حرص عدد كبير من نجوم الفن على تقديم رسائل الحب والدعم وتمنيات الشفاء للفنان الدكتور أشرف زكي نقيب المهن التمثيلية بعدما أجرى عملية تركيب دعامات بالقلب.

وكتب النجم أحمد زاهر " الف مليون سلامه يا دكتور اشرف يابو الرجوله و الجدعنه ياللي عمرك ماسبت حد في محنه الا و كنت جنبه ربنا يقومك لينا بالسلامه يا حبيب الكل أرجو الدعاء لدكتوري و استاذي اشرف ذكي"".

أما الفنانة هيدي كرم، علقت "أنا عمري ما شفت حد بيرد على تليفونه في كل وقت في ال ٢٤ ساعه ٧ ايّام في الأسبوع عمري ما شفت حد بيتعامل مع كل عضو في النقابه و كأنه الوحيد عمري ما شفت حد عنده صبر و طولة بال ان يسمع مشاكل كل واحد فينا بدون ما يزهق و لا يتخنق ... عمري ما شفت حد منصف و بيعامل أعضاء النقابه كلهم على انهم عيلته و أهل بيته زيك يا دكتور اشرف".

وتابعت هيدي " انت عارف اني لما بحس اني هاقع في اَي مشكله في الشغل الحاجه الوحيدة اللي بتطمني هي فكرة انك نقيبنا اللي أكيد ها تسندنا و تقف جنبنا ... حتى في الازمه بتاعت كورونا وجودي في نقابه انت نقيبها مطمني جداً .... معلش طولت شويه لكن دي مشاعري ناحية راجل محترم زي حضرتك ... كلنا بنحبك و بنحترمك و بندعيلك من قلوبنا ربنا يقومك بالسلامه انت السند و الضهر لكل عضو في النقابه ... تستاهل كل الحب و التقدير".

وعلقت الإعلامية بوسي شلبي " سلامتك يادكتور الف سلامه دعامه في القلب من الضغوط والتعب والاخبار الحزينه أزمه وعدت وحمد الله علي السلامه".

وعلق النجم حسن الرداد " الف سلامة عليك يا دكتور يا أبو المجدعة والواجب، كل الناس بتدعى لك عشان انت مابتسبش حد و اول واحد بيكون واقف فى الظروف الصعبة و المناسبات السعيدة، ربنا يقومك بسلامة و يتم شفاك على خير".

وكتب نجم مسرح مصر "أوس اوس": " الف سلامه عليك يا دكتور اشرف وحمد لله على خروجك من العمليه وباذن الله هتكون احسن يااارب وربنا يخليك لينا ويقويك وتفضل سندنا وضهرنا".

وكتب النجم عمرو سعد "دعواتكم للأستاذ اشرف ذكي بالصحة والخير والشفاء ان شاء الله ".

وكان دكتور أشرف زكي شارك في رمضان 2020 من خلال مسلسل فرصة تانية، مسلسل من بطولته بجانب ياسمين صبرى كل من المطرب دياب، والفنانة أيتن عامر، هبة مجدى، أحمد مجدى، إدوارد، محمود البزاوى، هبة عبدالغنى، سارة الشامى، أحمد الشامى، نهال عنبر، عمر الشناوي، محمد جمعة وتميم عبده وعدد آخر من الفنانين وهو من تأليف مصطفى جمال هاشم، معالجة درامية محمد سيد بشير، وإخراج مرقس عادل.