شارك الفنان الشاب رأمز أمير، في مسلسل "الاختيار" الذي عرض في السباق الرمضاني المنقضي وحقق نجاحًا كبيرًا على المستوى الجماهيري والنقدي. 

وعبر رامز أمير، عن سعادته بنجاح الحلقات التي شارك فيها في مسلسل "الاختيار"، وجسد خلالها قصة الملازم محمد السباعي، الذي أصيب خلال إحباط هجوم إرهابي بمنطقة مربع البرث، في رفح بسيناء. 

وقال رامز أمير، عبر صفحته الرسمية بموقع تبادل الصور والفيديوهات "إنستجرام": "قبل أى حاجة وأول حاجة الحمد لله والشكر لله على مشاعركم الجميلة وحبكم، والله ده كرم كبير اوى من ربنا مش شطارة مني". 

وأضاف: "تاني حاجة شكرًا ليكم أنتم على كمية الحب اللى فعلا اكبر منى، انا بجد متخيلتش أن حلقة واحدة من مسلسل الاختيار ممكن تعملى النجاح ده كله، اوعدكم انى هبذل كل اللى اقدر عليه عشان ابقى قد المسؤولية الكبيرة دي". 

وتابع: "عاوز أقول حاجة للناس اللى بتشتمنى وتقريبا بتشتم اى حد ناجح، والله مزعلان منكم، انا متفهم عشان انتوا مش بتشوفوا غير الهيصة والنجاح اللى ممكن فعلا يبان تافه ومستفز، بس صدقونى النجاح اللى بييجى فى ثانية ده بيبقى وراه تعب سنين وبهدله الناس مبتشفهاش، ان شاء الله الفترة الجاية هركز اكتر انى اشاركم جزء من التعب اللى انا اقصده عشان زى م اللى بيحبونى ليهم حق عليا، اللى بيشتمونى برضه ليهم حق، اسف انى طولت عليكم و شكرًا". 

وظهر الملازم محمد السباعي، أحد أبطال الجيش المصري، وهو يدافع عن زملائه ووطنه، وأظهر شجاعة في مقاومة الإرهابيين بعد الهجوم على كمين البرث، الذي أسفر عن استشهاد وإصابة 25 من أبطال القوات المسلحة بالكتيبة 103. 

أحيا مسلسل "الاختيار" العديد من قصص بطولات الجيش المصري، وسلط الأضواء على شهداء الواجب، وأعاد لأذهان المواطن المصري، الذي تفاعل معها بكل وطنية، وبات يبحث عن الأبطال الحقيقيين.