كشف الرحالة المصري، أحمد حجاجوفيتش، عن تفاصيل مهنة السباكة في دولة الدنمارك، والتي تعرض لها خلال رحلته.

ونشر حجاجوفيتش صورة برفقة سباكة دنماركية، عبر صفحته الرسمية على "فيس بوك"، علّق عليها: "١٩ ألف كرونة (حوالي ٥٥ ألف جنيهًا مصري) شهرياً.. ده ببساطة المرتب المبدئي للسباكة في الدنمارك".

متابعًا: "في الدنمارك مفيش حاجة اسمها إن لما واحد يحصله مشكلة في السباكة أو أي مشكلة في الحمام أو المطبخ أو الصرف الصحي إنه يكلم السباك اللي يعرفه في المنطقة ويجي يحلله المشكلة وأول ما يمشي تبوظ الحاجة تاني زي ما بيحصل عندنا!".

واستطرد: "لأ في الدنمارك بقى لازم أي سباك يكون تابع للحكومة.. كل اللي عليك بس إن لما تحصلك مشكلة تكلم الخط الساخن لخدمات الحكومة الدنماركية وتقولهم على المشكلة وبيبعتولك السباكة بعد كدة على طول".

مضيفًا: "الفكرة إن السباكة بتجيلك بعربية مجهزة وأحدث معدات بتكون معاها وبتحللك المشكلة اللي عندك وكمان بتديك ضمان إن المشكلة ديه متحصلش تاني لمدة ٥ سنين".

ويشتهر أحمد مدحت حجاج بـ"حجاجوفيتش"، وهو رحاله مصري ومغامر وخبير سياحي قد زار حتى الآن أكثر من 100 دولة حول العالم.