رئيس التحرير: عادل صبري 11:34 مساءً | الخميس 28 مارس 2024 م | 18 رمضان 1445 هـ | الـقـاهـره °

فيديو| إبراهيم سعيد لـ رضا عبدالعال: «هتسخر مني همسح بكرامتك الأرض»

فيديو| إبراهيم سعيد لـ  رضا عبدالعال: «هتسخر مني همسح بكرامتك الأرض»

ستاد مصر العربية

رضا عبدالعال وإبراهيم سعيد

فيديو| إبراهيم سعيد لـ رضا عبدالعال: «هتسخر مني همسح بكرامتك الأرض»

محمد جبالي 28 سبتمبر 2020 18:59

شنَّ إبراهيم سعيد، لاعب الأهلي والزمالك ومنتخب مصر السابق، هجومًا حادًا على رضا عبد العال المدير الفني الحالي للفريق الأول الكرة القدم بنادي طنطا.

 

ونشر إبراهيم سعيد فيديو له عبر حسابه الرسمي على موقع التواصل الاجتماعي "تويتر" شنَّ فيه هجومًا ناريًا على رضا عبد العال قائلًا: "أهدى شوية ومتصدقش نفسك، كل اللي بيني وبينك شغل، وبطل هرتلة لأن مش بيفرق معايا حاجة".

 

وأكمل إبراهيم سعيد خلال الفيديو: "كنت بحترمك لما كنت بتتريق عليا على الهوا، وماكنتش بزعل خالص لكن دلوقتي تخطيت حدودك معايا وفكرت أني مش هرد عليك.. أنا قادر أعصرك وأوديك وأجيبك وأمسح بكرامتك الأرض، أقولك احترم نفسك".

 

وأكمل: "وبعدين أنا مش عم لازم تعرف حدودك معايا كويس، واللي إنت بتتكلم عليه ده لعب لأكبر أندية في مصر ولعب منتخب مصر اللي انت أساسًا ملعبتلوش".

 

 

 

وتابع: "أما بالنسبة لموضوع أنك تاخد الشو بأنك تهاجمني ده لو حطيتك في دماغي هتزعل جامد، واللي بيني وبينك شغل، عاوز تطلع معايا في الاستوديو أطلع مش عاوز إنت حر".

 

وأتم هيما تصريحاته قائلًا: "في الأساس إنت بتاخد المايك لوحدك، وببقول مش مشكلة ده كابتني، لكن بقولك لآخر مرة أهدى شوية عشان هزعلك وبعرف اعمل كل حاجة وأهزقك وأمسح بكرامتك الأرض".

 

بدوه، توعد رضا عبد العال، إبراهيم سعيد، بفيديو عالمي وذلك عقب مران طنطا، وقال عبد العال مؤكدًا: "انتظروني بعد التدريب إن شاء الله فى فيديو عالمى، هو ميعرفش بيخاطب مين ولا بيتكلم على مين، ولولا ربنا والعبد لله مكنتش شوفتوه في أي قناة، هو اللي جابه لنفسه انتظروني بعد العاشرة مساءً مش هنتكلم غير من خلال الفيديو وقد أعذر من أنذر".
 

وكان رضا عبد العال قد هاجم إبراهيم سعيد بسبب تصريحات الأخير حول أداء طنطا خلال المباريات الأخيرة، حيث قال عبدالعال في تصريحات تليفزيونية: "إبراهيم سعيد عايز يركب الترند على حسابي وفضل يسخر رغم إنه مدربش في الممتاز ومش هقعد معاه في ستوديو واحد تاني".

 

وأضاف: "فرقة طنطا اتغيرت 180 درجة وبيقولوا أصل مسرح مصر أنت مالك".

 

وختم حديثه قائلا: "الأهلي فاز اليوم بصعوبة والزمالك كذلك رغم كل النجوم المتواجدين وده دليل إن فريقي في تطور وبيقف صح في الملعب".

  • تعليقات فيسبوك
  • اعلان

    اعلان