كشف حسام عاشور قائد الأهلي كواليس جديدة في أزمته الكبرى مع إدارة النادي، بعد إعلان رحيله عن الفريق وعدم استكمال الموسم بعدما عرض عليه مسؤولوالقلعة الحمراء الاعتزال وعدم التجديد.
وذكر خلال لقائه في برنامج "أوضة اللبس" بقناة "النهار" أنه طلب من سيد عبد الحفيظ التجديد لعامين، وأكد لي أنه سيتحدث مع محمود الخطيب رئيس النادي، بعدها على طول قالي الخطيب قالي قول لـ عاشور (اللي حسام عايزه هنعملهوله) وربنا يشهد على كده مضيفًا بعد هذا الحديث ذهبت للجلوس مع لجنة التخطيط فوجئت بقولهم لي (فايلر مش عايزك).
واستكمل "الناس عارفة قيمة حسام عاشور مفيش حد سمعلى حسّ طول 16 سنة فى النادي، لكن ممكن الناس تسأل أى حد لما حسام كان بيتطلب منه التجديد، كان بيجدد على بياض كل مرة إزاى ، أنا واخد 36 بطولة، ناقصلى 5 بطولات وأبقى اكتر واحد فى العالم واخد بطولات".
ومضى قائلًا جمال جبر قالى المستشار ترك هيعملك ماتش الاعتزال فبعدها كلمنى شخص من طرف المستشار ترك قالى طلباتك أوامر، بعدها اتكلمت مع المستشار، وقالى هعملك مهرجان إعتزال عالمى وهعملك ماتش اعتزال محدش عمله فى مصر ولا فى العالم.
وواصل عاشور أن الرئيس الشرفى السابق للنادى الأهلى المستشار ترك آل الشيخ يحب الأهلى أكتر بكتير من أشخاص داخل النادى نفسه، مشيرًا إلى أنه كان من المُخطط أن تُقام مباراة اعتزاله بين الأهلى وألميريا الإسبانى.
وأضاف عاشور على أنه "فوجئ“ بحملة عجيبة عليه بعد خروده في فيديو قال فيه شكراً للمستشار تركي آل الشيخ، قائلا: "المفروض واحد بكلمه بيقولي طلباتك أوامر أطلع أقوله ايه؟ والناس في النادي نفسها لما الراجل ده كان بيعمل معاهم أي حاجة كويسة كانوا بيطلعوا يشكروه".
واختتم عاشور تصريحاته بالتأكيد على أنه مازال قادرًا علي العطاء، لكن البعض لا يرغب في استمراري مع الأهلي كما وجه رسالة لجماهير الأهلي قائًلا: "مشجعو القلعة الحمراء فوق رأسي ومرتبط مع الجماهير بشكل عام، وأكن لهم كل التقدير والاحترام".
