مع حالة القلق من الخروج من المنازل، خوفًا من انتشار فيروس كورونا المستجد (كوفيد 19)، شهدت الأسواق، اليوم الثلاثاء 24 مارس، ارتفاعًا في أسعار اللحوم والدواجن والأسماك، في الوقت الذي استقرت فيه أسعار الخضروات والفاكهة حول معدلاتها الطبيعية.
وبلغت متوسطات الزيادات ٦ جنيهات لكيلو الدجاج الأبيض، و١٠ جنيهات لكيلو اللحم البقري، و٧ جنيهات لكيلو السمك البلطي، مقارنة بأسعار ما قبل أزمة كورونا.
وأرجع بعض التجار أسباب ارتفاع الأسعار إلى "طمع الموردين ومحاولة استغلال الأوضاع تحقيق أكبر قدر من المكاسب"، فيما أرجعها آخرون إلى نقص المعروض نتيجة توقف أسواق الماشية ونقص إنتاج مزارع الدواجن والأسماك.
يقول أحمد السيد – تاجر أسماك: "التجار الكبار معندهومش رحمة وعاوزين يكسبوا بأي شكل ويستغلوا الأزمة، مفيش بيع ولا شراء وحالنا واقف، كيلو البلطي بتاع الغلابة وصل لـ٤٠ جنيه".
أما رضا محمود - جزار فيقول: "أسواق الماشية كلها واقفة ونحتار على ما نجيب ذبيحة، ربنا يستر والأسعار ماتزيدش عن كده".
ويقول سيد عبدالنعيم - تاجر دواجن "سعر الكيلو الأبيض امبارح وصل لـ٣٢ جنيه، بس النهاردة نزل شوية بقى ٣٠، إحنا مش مبسوطين بالسعر العالي، كل السعر ما بينزل كل ما بنبيع أكثر والدنيا بتمشي".
ويقول رجب محمد: "أسعار اللحوم كانت تراجعت بدرجة كبيرة ووصلت لأقل من ١٠٠ جنيه للكيلو، لكن للأسف فيروس كورونا ضيع كل حاجة ورجعت اللحوم زادت تاني، وربنا يستر ما تزيدش عن كده".
