تفاعل النجم شريف منير مع الفيديو التي نشرته الفنانة منى فاروق، والتي عبرت خلاله عن حزنها من المعاملة التي تتلقاها من الناس والمجتمع بسبب أزمتها الأخيرة.
وكتب شريف منير عبر حسابه على فيس بوك "عزيزتي الفنانة .. منى فاروق ..ربنا غفور رحيم .. وأعتقد ناس كتير مسمحاكي .. ومتعاطفة معاكي .. وأنا منهم .. لاتيأسي .. كل حاجة بتعدّي .. وياما ناس غلطت أكتر منك وعدّت على خير .. وعايشين بينّا و بيشتغلوا والناس نسيت .. ماتقسيش على نفسك أوي كده ، ثم عاد وعلق: "منى فاروق ممثلة شاطرة.. وأكون سعيد جداً إني أمثل معاها".
وكانت منى فاروق خرجت في فيديو قالت فيه "أنا تعبت .. مخنوقة أوي.. انا بتعامل إني منبوذة .. من شهر 2 اللي فات لشهر 6 أنا بره الدنيا وميته، أنا يوم ما قالولي أنتي خدتي إخلاء سبيل وقعت من طولي".
وتابعت: "أنا عايزة أعيش في سلام وأنا اضعف بكتير من اللي حصلي.. محدش مديني فرصة اعيش واشتغل.. غلطت وكلنا بنغلط.. بس أنا مش عارفة اعيش في بلدي والمجتمع بيضايقني".
وأضافت: "أنا اسفة للشعب المصري .. انا تعبانة من جوه ومحدش عايز يديني فرصه بيخافوا.. محدش بيطبطب عليا، بقيت لوحدي، اروح اموت؟".
وكانت منى أثارت الفنانة منى فاروق الجدل عندما ورد اسمها في قضية فيديوهات فاضحة مع مخرج شهير، قالت تقارير إنّه المخرج خالد يوسف.
فيديو منى فاروق: