"سائق ماهر يعرف الطرق الخفية للوصول إلى قلوب الجماهير بعيدًا عن اختناقات المرور".. هكذا وصف الكاتب يوسف إدريس الفنان عادل إمام .
ويحتفل الزعيم عادل إمام بعيد ميلاده الـ79 اليوم 17 مايو، وحرص عدد كبير من نجوم الفن على تقديم رسائل الحب له.
كتبت الناقدة ماجدة خير الله عبرحسابها على فيس بوك " "عادل إمام فنان صنعته الجماهير في مصر والعالم العربي،تاريخه الفني زاخر بالعلامات المميزه ، تقدر تعد أكثر من تلاتين فيلم ومسرحيه ومسلسل من اهم ماتم انتاجه في النصف قرن الأخير".
وتابعت ماجدة "عادل امام علامه فنيه مطبوعه في وجدان اجيال ومحدش يقدر يعبث أو ينكر هذا التاريخ ومحدش يقدر يتجاهله او ينتزعه من قلوب عشاقه ومحبيه".
ونشر ابن الزعيم محمد إمام عبر حسابه على انستجرام فيديو احتفال قناة إم بي سي مصر بعيد ميلاد والده وكتب "تروح أجيال و تيجي أجيال .. تظهر نجوم و تختفي نجوم .. تتغير الأذواق و تتبدل الأحوال .. ويفضل الزعيم زعيم".
View this post on Instagramتروح أجيال و تيجي أجيال .. تظهر نجوم و تختفي نجوم .. تتغير الاذواق و تتبدل الأحوال .. و يفضل #الزعيم زعيم ????????
A post shared by Mohamed Emam (@mohamedemam) on May 16, 2019 at 12:22pm PDT
الفنانة هبة مجدي نشرت صوره بصحبة عادل إمام وعلقت "كل سنة وانت طيب يازعيم ربنا يخليك لينا".
والمطربة لطيفة نشرت صورة لها مع عادل إمام وعلقت "بحبك وبتعلم منك يا أعظم مدرسة أعطت للفن كثير ربنا يحفظك ويطول في عمرك يا أسطورة".
والمؤلف والممثل كريم فهمي كتب "مفيش غير عادل إمام واحد بس في العالم.. كلنا اتأثرنا بيه سواء فنانين أو جمهور ولم ولن يتكرر".
وكتب أحمد زاهر عبر حسابه على فيس بوك" كل سنه وغنت طيب يا زعيم .. يا زعيم الفن المصري و العربي كل سنه وانت البسمة و الضحكه اللي في حياتنا أنت اللي علمتنا الفن و التمثيل و الكوميديا و النجوميه أنت اللي علمتنا احترام الفنان لنفسه و لجمهوره احترام عقليه المشاهد أنت مثل اعلي لكل فنان صغير أو كبير".
وتابع " أنت اللي جسدت تاريخ مصر في كل أفلامك اللي عايز يعرف تاريخ مصر يتفرج علي أفلام الزعيم عادل امام ربنا يخليك لينا و يديلك الصحة يا أغلي نجم في حياتنا كل سنه و أنت نجم مصر و الوطن العربي الأول بلا منازع أو منافس علي مر السنين".
الفنان شريف رمزي نشر أوتوجراف بتوقيع الزعيم له وكتب "ده أول أوتوجراف إتكتبلي في حياتي وكان منك يا أستاذ عادل لما جيتلك في أوضتك في إستراحة مسرحية.. الواد سيد الشغال من سنين طويلة جدا كنت طفل صغير وقلتلك إني قد إيه بحبك واني نفسي أطلع ممثل زيك وبحلم أشتغل معاك وساعتها قلتلي كلام كتييير جميل وبادلتني مشاعر طيبة ونصحتني نصايح ومضيتلي الأوتوجراف ده قبل ما يخترعوا الموبايلات وتطلع موضه السيلفيهات".
وتابع: "تمر السنين وحلمي يتحقق وأشتغل معاك أحلى مسلسل العراف وأفضل وهأفضل محتفظ بالأوتوجراف ده طول حياتي لأن دي كانت أول مرة أشوفك فيها كل سنة وأنت طيب يا أستاذ عادل".
View this post on Instagramده أول أوتوجراف إتكتبلي في حياتي و كان منك يا أستاذ عادل لما جيتلك في أوضتك في إستراحة مسرحية الواد سيد الشغال من سنين طويلة جدا كنت طفل صغير و قلتلك إني قد إيه بحبك واني نفسي أطلع ممثل زيك و بحلم أشتغل معاك و ساعتها قلتلي كلام كتييير جميل و بادلتني مشاعر طيبة و نصحتني نصايح و مضيتلي الأوتوجراف ده قبل ما يخترعوا الموبايلات وتطلع موضه السيلفيهات ???? و تمر السنين و حلمي يتحقق و أشتغل معاك أحلي مسلسل العراف و أفضل و حأفضل محتفظ بالأوتوجراف ده طول حياتي لأن دي كانت أول مرة أشوفك فيها كل سنة و أنت طيب يا أستاذ عادل
A post shared by Sherif Ramzy شريف رمزي. (@sheriframzy) on May 16, 2019 at 6:08pm PDT