يصدر بالتزامن مع انطلاق الدورة الـ 51 لمعرض القاهرة الدولي للكتاب في 22 يناير 2020، كتاب "هاكونا ماتاتا" للكاتبة فاطمة الزهراء إبراهيم. 

تدور أحداث الكتاب عن كيفية التخلص من القلق والضغوطات التى تواجهك فى مراحل حياتك المختلفة، بطريقة سهلة وبسيطة، كما صورتها الكاتبة، فى إحدى فقرات كتابها.

وقالت الكاتبة: "رحلة التغيير بتبدأ من جواك، لما تحس أن فيه حاجات لازم تتغير فى شخصيتك وتقرر أنك تغيرها فعلا".

وتأكد المؤلفة، إنك مهما قرأت كتب أو سمعت عن التغيير عمرك ماهتلمسه فعلا إلا لو قررت من جواك تكون شخص مختلف عن الشخص اللى عيشته حياتك اللى فاتت، وإنك تفضل تحاول وتستمر لحد ما تتغير فعلا. 

وأضافت: "كتير مننا بيكون عنده النية أنه يكون أحسن ويكون شخص مختلف، لكن معندوش استعداد يتعب علشان يتغير وده الفرق بين الشخص اللى قاعد فى مكانه والشخص اللى غير مكانه فعلا".
 

واختتمت قائلة: "طموحك هو الحافز اللى هيخليك تتغير ومهما وقعت تقوم تانى وتكمل لحد ماتوصل لهدفك، وتأكد إنك بعد ماتخلص الكتاب ده حاجات كتير نظرتك ليها هتختلف وحاجات كتير كانت بتسبب لك قلق هتقدر تتعامل معاها من غير أى ضغوط بس انت كبر دماغك للمشاكل وقول هاكونا ماتاتا".