أعلنت الدكتورة مني برنس أستاذ اللغة الإنجليزية بكلية الآداب جامعة السويس، التي اشتهرت بعد  "فيديو رقص" على موقع فيس بوك، عن ترشحها في الانتخابات الرئاسية القادمة.

وقالت في تدوينة عبر حسابها على موقع التواصل الاجتماعي "فيس بوك": "بالعلم والفن والحرية هترجع شمسك الذهب تاني يا مصر، ويرجعوا المصريين شعب منتج ومساهم في الحضارة الإنسانية".

وتابعت: "وعشان أكون أمينة، ما أقدرش أوعد إني هحل مشاكل مصر والمصريين في سنة ولا اتنين ولا عشرة، التغيير الحقيقي بياخد وقت، بس أوعد إني هجتهد واشتغل مع الشباب الكفء إن نحط الأساسات السليمة لبناء الدولة المصرية الحديثة وإعادة الهوية المصرية للمصريين في الأربع سنين".

وأضافت: "وأكيد مش هطالب بمدة تانية، من مبدأ تداول السلطة ولأني هبقى عايزة أعمل حاجات تانية في حياتي غير العمل العام اللي هيلغي تقريبًا حياتي الخاصة، ولأني شخص مرح بطبعي وبحب الحياة، فهبقى ريسة دمي خفيف وهدلع الشعب من باب.. لاقيني ولا تغديني، أنا واضحة".