رئيس التحرير: عادل صبري 01:18 مساءً | الخميس 28 مارس 2024 م | 18 رمضان 1445 هـ | الـقـاهـره °

نشوى الحوفي عن انتفاضة التموين: الكارت الذهبي سيقضي على فساد أصحاب المخابز

نشوى الحوفي عن انتفاضة التموين: الكارت الذهبي سيقضي على فساد أصحاب المخابز

ميديا

نشوى الحوفي

نشوى الحوفي عن انتفاضة التموين: الكارت الذهبي سيقضي على فساد أصحاب المخابز

محمد الوكيل 08 مارس 2017 11:40

علقت الكاتبة الصحفية نشوى الحوفي، على اندلاع عدد من التظاهرات في محافظات مصر، احتجاجًا على قرار وزارة التموين بتخفيض حصة الخبز لحاملي الكارت الذهبي.

 

وقالت في تدوينة عبر حسابها على موقع التواصل الاجتماعي "فيس بوك": "الصورة كاملة في أزمة العيش،، إيه الكارت الذهبي؟ كارت مع أصحاب المخابز بيسمح لهم بصرف العيش للمواطنين اللي معاهم بطاقات ورق مش مميكنة، وده مرتع فساد كبير ليه؟ لأن أصحاب المخابز اشتروا البطاقات من المواطنين واضرب البطاقة في عدد الأرغفة تعرف أد إيه أصحاب المخابز بيتغنوا من الموضوع ده لو عرفت إن تكلفة الرغيف على الدولة زادت من 31 قرش لـ 51 قرش بعد قرار تحرير سعر الصرف، قيمة الدعم على العيش 60 مليار جنيه".

 

وتابعت: "الصورة بتقول إنه مش بس أصحاب المخابز اللي فاسدين لكن للأسف مفتشين تموين كمان بيساعدوهم والرزق يحب الخفية والبيروقراطية والشللية واللي له ضهر، وده يأكد إننا ناقصنا رقابة داخلية وعلاج فساد مش قبض على الفاسدين".

 

وأضافت: "الصورة بتقول كمان إن أصحاب المخابز قفلوا المخابز لما صدر قرار بتخفيض مستحقات الكارت الذهبي، ولم يصدر أي قرار بتخفيض الدعم الخاص بالعيش للمواطن، أصحاب المخابز ومن يساعدهم فاسدين".

 

وواصلت: "إشاعات وناس بتولع في البلد وإعلام جاهل أو بتاع حريقة أو بتاع مصلحة كله سيان والنتيجة واحدة، تصدير الصورة اللي شفناها امبارح، وزارة التموين زيها زي أي وزارة في الحكومة عملت المؤتمر الصحفي بعد النار ما ولعت، حد يبلغ السادة المسئولين إن المؤتمر الصحفي لابد أن يسبق إعلان القرار لوضع كل النقط على الحروف ومنع المتاجرة بالبلد، محتاجين ضمير وقانون وإدارة".

ونظم الأهالي بمحافظات الإسكندرية، كفر الشيخ، القاهرة، عدد من الوقفات الاحتجاجية، للتنديد بقرار وزارة التموين الأخير، والمطالبة بإقالة الوزير علي المصيلحي.

 

وقررت وزارة التموين والتجارة الداخلية، تعديل كميات خبز الكارت الذهبي لأصحاب البطاقات الورقية بدل الفاقد والتالفة والذين لا يملكون بطاقات ذكية، من 1500 رغيف إلى 500 رغيف كحد أقصى.

انتفاضة التموين
  • تعليقات فيسبوك
  • اعلان

    اعلان