أعرب الباحث، إسلام بحيري، عن سعادته بردود الفعل التي جاءته، بعد "مناظرته" مع الدكتور سعد الدين هلالي.

وكتب "بحيري" عبر حسابه الشخصي على "فيسبوك": "على فكرة.. أنا مستمتع من بعد المناظرة برد فعل الجانب المؤيد في كل مكان في الأرض، اللي بعد تعب سنين بقى مطمئن تمام الاطمئنان لصحة الفكرة وقوتها،
فكرة.. ماذا فعل بنا هذا التراث البشري، ماذا فعل بالدين وبحياتنا وبالإنسانية".

وتابع: "وكمان منتشي للغاية برد فعل الجانب التاني، الهستيري الجنوني الانهياري.. اعذروهم يا جماعة.. بيزنس بالمليارات بيضيع خلاص.. الناس فهمت والدولة استوعبت، والقادم أدهى وأمر".

وأردف "بحيري" في تدوينة أخرى: "عندي تعلقين مهمين.. الأول إن اللي فهم من كلامي في البوست إن قاصد الدكتور سعد نفسه فهو للأسف مفهمش صح".

وأضاف مفسرًا: "الجانب التاني اللي قصدته هما الشيوخ مدفوعي الأجر اللي بقالهم يومين بيصوتوا صويت النائحة على قنوات بعينها تابعة للي بالي بالك.. ومحدش يسألني مين اللي بالي بالك عشان مش وقته
بالعكس احترامي للدكتور سعد وإنه قدر يقول الحقيقة الثقيلة".

وأكمل "بحيري": "التعليق التاني للمحبين والأصدقاء اللي بيتكلموا عن العصبية.. أحب أقولك يا عزيزي أو عزيزتي إن قتل الناس واستباحة دماءهم أولى وأهم من العصبية والهدوء، فبلاش تحسسني إن الهدوء أهم من الدم.. أو أقولك حاجة أبسط وانت بتتقتل خليك هادي إياك تتعصب، إمسك أعصابك واهدى وانت بتتقتل هدر بلا تمن..اتفقنا".

واستضاف الإعلامي عمرو أديب كلا من إسلام بحيري وسعد الهلالي، يوم الإثنين الماضي، في برنامج “كل يوم” على قناة ON E، للحديث عن أراءهم في تجديد الخطاب الديني.