رئيس التحرير: عادل صبري 11:52 مساءً | الخميس 28 مارس 2024 م | 18 رمضان 1445 هـ | الـقـاهـره °

فيديو| لحظات رعب وأم قاسية.. القصة الكاملة لـ «طفل البلكونة»

فيديو| لحظات رعب وأم قاسية.. القصة الكاملة لـ «طفل البلكونة»

أخبار مصر

فيديو طفل البلكونه

فيديو| لحظات رعب وأم قاسية.. القصة الكاملة لـ «طفل البلكونة»

أحمد الشاعر 26 يناير 2019 19:30

أثار مقطع فيديو تداوله نشطاء موقع التواصل الاجتماعى "فيس بوك"، لربة منزل تعرض حياة طفل للخطر، الجدل في الشارع المصري، حيث كانت تجبره على الوقوف في نافذة شقة للتسلل إلى بلكونة مجاورة، بدعوى استعادة "مفتاح" شقتها بمدينة 6 أكتوبر الذي فقدته، وقد تمكنت الأجهزة الأمنية من القبض عليها.

 

وأمام النيابة قالت الأم: "ده ضنايا.. ميهونش عليا أبدا.. ده ابني ونور عيني.. لما حسيت إن هيقع شديته من رجله علشان ما يوقعش.. لما نزل ضربته قلمين علشان أعرفه غلطه".. بهذه الكلمات بدأت "هند. ر" (35 سنة ـ عاملة نظافة)، صاحبة فيديو البلكونة، فى مساكن ابني بيتك 2 بمدينة 6 أكتوبر، والمتهمة بتعريض حياة ابنها الأكبر "أسامة"، للخطر، بعدما ظهر في الفيديو معها وهي تجبره أن يقفز من البلكونة لكي يقوم بفتح باب الشقة التي تقع في الطابق الرابع بعدما نسي الأخير المفتاح، أثناء مثولها أمام جهات التحقيق.

 

وأضافت الأم: "اللي حصل أنا رجعت من الشغل مرهقة وتعبانة.. والكلام ده كان قبل صلاة العصر.. وبعدين فوجئت إن ابني الكبير أسامة.. نسي المفتاح جوة في الشقة، فكرت أجيب نجار يكسر الباب وأغير كالون الشقة.. بس الفلوس اللي كانت معايا مكنتش هتكفي.. كان معايا حوالي 10 جنيه.. وجوزي كان في الفيوم، راح علشان يشوف فحوصات العملية اللي كان عملها".

 

تواصل الأم حديثها، قائلة: "قلت اتصرف إزاي.. مكنش عندي حل غير إن اخلي ابني أسامة يدخل الشقة من البلكونة.. أخدته وكنت ماسكة رجله وخايفة عليه.. ولما حسيت إن هو هيقع مني.. شديته جامد.. ودخلته وضربته قلمين علشان يعرف غلطه.. وجبت نجار وكسر الباب وغيرنا كالون الشقة.. ده ضنايا.. ميهونش عليا".

 

لمتابعة القصة الكاملة لـ فيديو طفل البلكونه.. تابع التقرير التالي:

  • تعليقات فيسبوك
  • اعلان

    اعلان