رثى الشاعر هشام الجخ، ابنته التى توفيت بعد 3 أشهر من ولادتها إثر إصابتها بالتهابات حادة فى الجيوب الأنفية، حيث كتب لها قصيدة، وصف فيها لحظات قادمة كان يتمنى أن يقضيها معها.

وسرد الجخ فى حالة مؤثرة خلال حضورة ببرنامج "أبو زعبل" أمس الاثنين قصيدة رثاء تعبر عن حزنه وهو يراه ابنته مريضة ولا يستطيع تقديم شىء لها سوى الدعاء وبعد وفاتها، والى نص القصيدة:

يا حتة القلب اللى مات
وَعْد يا ست البنات
هفضل أحبك من سكات
واشرب سجاير بره أوضتك من سكات
والبس هدومى وانتى نايمة واقفل الباب من سكات
وافضل أعلّم كل شهرين جوة كشف التطعيمات
وافضل أَحَوِّش لك جهازك واشترى لك طقم صينى
وابقى حالق دقنى دايما وانتى بس اللى تبوسينى
إوعى ماما تعرف اننا جبنا شيبسى
فكّرينى واحنا نازلين ابقى اجيب لك بُكرة بيبسى
ما تتشاقيش فى المدرسة ومتلعبيش وسط الولاد
وفكرينى ابعت معاكى صورة لشهادة الميلاد
ياه ع الوجع لما بتِصْغَر من مرارته أى آه
ولا يصحكش من حلمك .. إلا على شهادة الوفاة.

شاهد الفيديو:
http://www.youtube.com/watch?v=t5LD7gdh7NU