سخرت الفنانة هالة فاخر، من مفهوم "الدايت" عند البنات في مصر، خلال برنامجها "هات من الآخر" على فضائية "صدى البلد".

وقالت هالة فاخر: "البنات في مصر بتفهم الدايت غلط، وبتطبقه دون الاستعانة بمتخصص، وده بيخلى البنات إما تجوّع نفسها، وتعيش على الخص، وإما تضرب 2 حواوشي، وواحد فتة شوارما، وربع كفتة سيخ، وبعد كل ده تشرب البيبسي دايت، وده طبيعي يخلي البنت زي القلة أو شبه مضرب التنس المقلوب".

وتواصل "فاخر" سخريتها: "وفيه بنات تلجأ لوصفات دايت غير تقليدية، زي دايت شوربة الكرنب، اللي حقيقي بيخليها تفقد كتير من وزنها، لكن للأسف بتسببلها غازات تخلى البنات تفقد كتير من اللى حواليها".

وتابعت: "وساعات البنت تمر بتجربة عاطفية فاشلة، وده بيخليها تلجأ إلى 3 أنواع شوكولاتة مختلفة علشان تنسى، وفي الحالة دي البنت تضطر تروح إلى دكتور محترف، علشان يخليها تقدر بعد كده تمشى".

شاهد الفيديو..

اقرأ أيضًا: