رئيس التحرير: عادل صبري 02:49 صباحاً | الثلاثاء 11 مايو 2021 م | 29 رمضان 1442 هـ | الـقـاهـره °

هل يتسبب عزيز الشافعي في أزمة بين رامي صبري وعمرو دياب؟

هل يتسبب عزيز الشافعي في أزمة بين رامي صبري وعمرو دياب؟

ميديا

الفنان رامي صبري

هل يتسبب عزيز الشافعي في أزمة بين رامي صبري وعمرو دياب؟

كرمة أيمن 06 يناير 2021 22:29

هاجم المطرب رامي صبري، الملحن عزيز الشافعي، متهمًا إياه أنه لا يلتزم باتفاقياته تجاهه ليدخل الهضبة عمرو دياب طرفًا في الأزمة بطريقة غير مباشرة.

                              

واشتعلت الأزمة عبر مواقع التواصل الاجتماعي، عندما كتب رامي صبري عبر صفحته الرسمية بـ"فيس بوك" بلهجة غاضبة بيع عزيز الشافعي أحد الألحان التي عرضها عليه.

 

وقال رامي صبري: "لتاني مرة الملحن عزيز الشافعي ياخد أغنية مني واحنا شغالين فيها ويديها لفنان تاني وهو الفنان عمرو دياب بنفس الشكل التوزيعي والموزع".

 

وكشف عن أسماء الأغاني: "أغنية شكرا كده للي سيبنا، وأغنية زي ما انتي".

 

واتخذ رامي صبري، موقفًا حاسمًا ضد عزيز الشافعي، مقررًا عدم التعامل معه، وكتب: "لذلك قررت عدم التعامل معه مرة أخرى".

 

ورغم أنَّ رامي صبري، قام بحذف المنشور بعد دقائق من نشره، إلا أنه انتشر بسرعة البرق عبر السوشيال ميديا.

 

واتخذت الأزمة شكلًا آخر، عندما قرَّر الملحن عزيز الشافعي الرد، وكذلك الشاعر تامر حسين.

 

وردًا على قرار رامي صبري بعدم التعامل معه، قال عزيز الشافعي، من خلال حسابه بـ"فيس بوك": " مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان و بيزود رصيده مع الناس، بيعز عليه بعد كدة يقلل منه حتى لو تجاوز".

 

وأضاف:"رغم إن كلامه كله مالوش أي اساس من الصحة، أحب دايما اشوفه ناجح وبيكمل اللي عملناه، وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد  بإننا منشتغلش تاني ونكتفي بنجاحاتنا".

 

وتابع: "بعتذر للسادة الصحفيين اللي بيتصلوا بيا مش عايز ادي الموضوع اكبر من حجمه وبكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية  "شكرًا".

 

واختتم قائلًا: "أما بخصوص أغنية "زي مانتي" ممكن ترجعوا للصديق المشترك محمد حامد وتسألوه وشكرًا لحد كدة".



 

 

وتدخل في الموضوع الشاعر تامر حسين، ليوجه رسالة غير مباشرة لـ"رامي صبري"، وأيضًا من خلال مواقع التواصل الاجتماعي.

 

وقال تامر حسين: "ردًا على "شكرًا" والمُهاترات اللى بسمعها، أولاً ليه بنجيب وبنقحم دايمًا أسم (عمرو دياب) فى جُملة مفيدة؟ ايه الغرض؟".

وأضاف: "ثانيًا... توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعنى ليه الكلام ده مكنش فى أول يوم مثلاً؟ ده لو فعلاً الكلام على حق".

 

وتابع: "ثالثًا.. اللى اتعلمته ومن أدبيات المهنة ولازم الناس كلها تفهمه فكرة الذوقيات، يعنى ايه؟ يعنى نبارك لبعض نهني بعض مش نتهم الناس فى عز نجاحهم بالباطل".

 

وأكمل: "لما أى مُطرب فى الدنيا بتعجبه أغنية المؤلف والملحن بيعملوا (تنازل عن حقوق الاستغلال) للمطرب، طالما ماحصلتش الخطوة دى من زمان تبقى الأغنية ملك الشاعر والملحن لحين اختيار الأفضل.

 

وأضاف: "وارد جداً تسمع مطرب زميل أغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة اتخاذ القرار".

 

وواصل: "أنا شايف أن فى تجني على حق المُلحن عزيز الشافعى أدبياً ومعنوياً دى شهادة حق ومش شايف تماماً اى داعى يسمح بالكلام والصراعات دى".

 

وتابع: "للمرة المليون الناس المُحترمة ما تعلنش مشاكلها فى العلن، عيب فى خصوصيات ما يصحش ندخل الجمهور فيها ونتهم ناس محترمة بالباطل اكيد مش هنزل فويس نوت نستشهِد بيها واحنا (أصحاب الحق ) وربنا يهدي".

واختتم قائلًا: "وأخيرًا ياما ناس سمعت اغاني من سنة وسنتين ومكنش ليهم نصيب فيها ما عملهوش اللى بيتعمل ده لما الأغنية تنجح بالعكس فرحوا واتمنوا انها ياريت لو كت أغنيتهم بكل حُب وتقدير وروح حلوة وده بوست بكُل حُب والله".

 

وفي نهاية قال: "عشان معنديش كلام يتقال تاني مش عايزين الموضوع ياخد أكبر من حجمه هى شُهرة ل الأغنية أكتر بس ما بحبش الطريقة دى من الشهرة".

 

 

يشار إلى أن، رامي صبري وعزيز الشافعي حققا نجاحا كبيرا بأغنية "حياتي مش تمام"، والتي تم طرحها في موسم عيد الحب الماضي، وحققت حتى الآن أكثر من 15 مليون مشاهدة على موقع الفيديوهات "يوتيوب"، وكذلك أغنية "أهد الدنيا".

 

وشهدت الأيام الماضية، مشاركة المطرب رامي صبري في تحدي أغنية "محسود" للنجم عمرو دياب، لينفي أو يذيب الخلافات والصراعات غير المعلنة بينه وبين الهضبة.

 

وقال الفنان رامي صبري إنه لم تكن بينه وبين عمرو دياب في يوم من الأيام أي خلاف أو كره، مشيرًا إلى أنه قام بالتحدي وغناء أغنية محسود لسببين الأول حبه لذلك النوع من الاغاني والثاني ليظهر للجمهور علاقته المحترمة للهضبة.
 

وكتب رامي صبري، عبر "انستجرام": "أولاً أنا عملت تحدي لأغنية محسود علشان حاجتين، أولهم علشان الاغنية حلوة اوي وانا بحب النوع ده من الاغاني الحان صديقي الملحن خالد عز، ثانياً علشان اقول للناس كتير من الجماهير إن العلاقة بيني وبين الفنان الكبير عمرو دياب علاقة محترمة من عندي ومن عنده حتي الكلام اللي وحش اللي دايما بشوفه على السوشيال ميديا مكانش بيغير حبي واحترامي ليه بالعكس انا كنت بشتغل اكتر إني اعمل أغاني مهمة وده حصل أخيرًا من النهارده".

 

وأضاف: "عايز الجمهور الكبير جمهور عمرو دياب يفهم اني بحترم هذا الرجل وبحترم تاريخه جدا ومفيش بنا أي عداوه أو كره ذي ما بعض الناس بتقول. مبروك الالبوم يا هضبة ودايما مشرفنا وفخورين بيك وشكرا لكلامك الحلو".

 

  • تعليقات فيسبوك
  • اعلان

    اعلان