حلت الفنانة هنا شيحة ضيفة في أول حلقة من الموسم الجديد لبرنامج "سهرانين" الذي يقدمه النجم أمير كرار على قناة on.
وكشفت هنا أثناء حوارها عن رأيها في السوشال ميديا، قائلة: "انا بحبها ومش بحبها في نفس الوقت يعني هي مهمة عشان تعبر عن رأيك وتقول أخبارك، لكن الجزء الخاص بالتدخل في حياتك الشخصية بيضايقني وبتحصل قصص من غير معنى وبطلت انزل أي حاجة عن حياتي الشخصية".
وعن ردود الأفعال العنيفة التي تشن على بعض النجوم من الجمهور، علقت هنا: "أنا الكلام ده مش بيأثر فيا وغير ده أنا أصبحت مؤمنة بالعين والحسد، لو نزلت صورة حلوة ليا انا وزوجي بعد يوم هتلاقينا بنتخانق، والحافظ هو الله في النهاية لكن ليه أنزل حاجة هتسبب لي مشكلة".
وأعربت عن استيائها من تحول التهاني والتعازي إلى رسائل افتراضية، قائلة: "دلوقتي لو نزلت صورة لشخص عشان عيد ميلاده يبقى أنا كده هنأته، والتعزية أصبحت على الواتس آب".
وتابعت: "بقترح لما نكون سهرانين مع الأصدقاء يكون في سلة صغيرة يوضع فيها الهواتف المحمولة لأنه كل واحد بيبقى قاعد ماسك الموبايل ومفيش حوار، لكن زمان في الأعياد والمناسبات كان بيبقى في لمة في البيوت، وبقى نادر اللقاء في البيوت ".
وكانت آخر أعمال هنا شيحة مسلسل "شاهد عيان" في رمضان الماضي، وينتمي المسلسل لدراما التشويق والإثارة ذات الأجواء البوليسية، وتدور أحداثه في جو من الأكشن والغموض، وشارك في بطولته حسن الرداد وبسمة ووليد فواز، والمسلسل تأليف أحمد مجدى وإخراج محمد حماقى.
ويذكر أن برنامج "سهرانين" يستضيف عددا من نجوم الفن والغناء والكورة ويتحدث البرنامج عن السهر وعشق المصريين له ويقدم البرنامج تفاصيل عن أماكن سهر النجوم.
البرنامج أعاد "كرارة" إلى كرسي المذيع بعد 3 سنوات، وحقق نجاحا كبيرا، حيث يمزج بين الفقرات الموسيقية والغنائية وحوارات النجوم، ويعرض على شبكة "ON".
