حلت الفنانة عبير صبري ضيفة في برنامج "شيخ الحارة والجريئة" مع المخرجة إيناس الدغيدي، على قناة "القاهرة والناس"، وتحدثت عن المحطات العملية والشخصية في حياتها.
عمليات التجميل
نفت عبير إجراءها عمليات تجمميل قائلة: "غلط مليار في المية، انا طول عمري شكلي كده، ولسه صغيره، ونرجع لليوتيوب شكلي زي ما هو و مش عيب لو عايزة أعمل حاجة هعملها".
وأضافت: "أنا قمر الزمان لوحدي مش عاملة تجميل، وهعمل أول ما أجد نفسي محتاجة أعمل، وبعدين التجميل يعني عملية بتغير بيها شكلك".
خلافها مع غادة عبد الرازق
كشفت عبير صبري حقيقة خلافها مع غادة عبد الرزاق، معلقة: "أنا بحب غادة ومفيش حاجة بينا، ومعملتش بلوك لها، ولو عندي دور حلو معاها هوافق اعمله".
وأضافت: "مفيش خلاف بس فيه حد وقع بيني وبينها، وكل واحدة مننا أخذت موقف على جنب وخلاص، وأنا مش عارفة ايه المشكلة، وبحترم موهبتها".
الماضي
وأكدت عبير صبري أنه لا يوجد في ماضيها أي شيء يدعو للخجل، قائلة: "كلنا كنا صغيرين وبنكبر وكل الناس عندها أخطاء، ومعنديش أي حاجة تضايقني".
وعلقت على تصريحاتها السابقة أن القبلات حرام في الأعمال الفنية، قائلة: "قولت ده قبل الحجاب وبعد الحجاب ولحد دلوقتي ، ودلوقتي برضه مش هوافق ومش هعمل الدور اصلا ، ده حرام والموضوع مبدأ".
برنامج "شيخ الحارة والجريئة"، من البرامج الحوارية الساخنة التي تعتمد على التصريحات الساخنة وكشف حقائق لأول مرة عن نجوم الفن والرياضة والإعلام والمشاهير.
وتستضيف إيناس الدغيدي، خلال حلقات شهر رمضان مجموعة من نجوم الفن والرياضة المثيرين للجدل من أبرزهم، محي إسماعيل وسهير رمزي وإدوارد وعبد الباسط حمودة وصفية العمري، وحسن شاكوش، وتامر هجرس، وإنجى على، وفريدة سيف النصر، والمنتج أحمد السبكي، وحارس مرمى منتخب مصر السابق عصام الحضرى، وغيرهم من النجوم.
