يواصل النجم محمد إمام تصوير مشاهد فيلمه "لص بغداد"، المقرر طرحه قريبا، ويضم عدد من النجوم.
ويبدو أن هناك اهتمام بمشاهد الأكشن التي يتم تصويرها خلال العمل وكتب أحمد العوضي أحد النجوم المشاركين في العمل "أنا أول مره اشتغل مع محمد إمام ومتقابلناش قبل كده الا مره واحده".
وتابع "أنا مبسوط جدا إني اتعرفت عليك علي المستوي الشخصي وإني اشتغلت معاك.. من أنضف الناس اللي ممكن البني ادم يقابلهم .. الراجل عنده سلام نفسي صعب تلاقيه عند حد واجتهاد غير طبيعي في الشغل وحريص ان كل الناس اللي معاه يبقو كويسين .... استنو فيلم لص بغداد واستنو مشاهد اكشن هتعجبكم ان شاء الله .. لازم تعجبكم احنا كسرنا اللوكيشن علي بعض".
وكان الفنان محمد إمام تحدث عن مشاهد الاكشن بالفيلم قائلا :"بقالي 3 أيام بصور في مشهد أكشن .. برغم التعب و الأصابات لكنه من أكتر مشاهد الأكشن اللي أستمتعت بيه وأنا بصوره .. كان معايا فريق كبير و محترف عمل أقصى مجهود علشان يطلعوا مشهد متميز .. ده غير انه أول تعاون مع زميلي المتألق أحمد العوضي اللي فوجئت بإجتهاده الشديد اللي هيخليه نجم مصر قريب و بروحه المقاتلة اللي كانت هتجبلي شلل نصفي".
فيلم "لص بغداد" بطولة محمد إمام، فتحي عبد الوهاب، ياسمين رئيس، أمينة خليل، أحمد العوضي، محمد عبد الرحمن توتة، صلاح عبد الله، أحمد رزق، وعدد آخر من الممثلين، والفيلم تأليف تامر إبراهيم، وإخراج أحمد خالد موسى، في أول تعاون بينهما في السينما، وإنتاج سينرجي فيلمز.
