أبدت الكاتبة الصحفية، غادة شريف، تعجبها من بعض سياسات النظام الحالي، متسائلة: «احنا خلعنا مرسي ليه؟».
وقالت «شريف» في تدوينة على حسابها الشخصي عبر موقع التواصل الاجتماعي «فيس بوك»: «قلنا على مرسى وحش علشان كان هيبيع للفلسطينيين أرض من سيناء، و دلوقت هنبيع الجزيرتين للسعودية، قلنا على مرسى وحش علشان تغول على السلطة القضائية بتعديلات في القانون، و نفس التعديلات و نفس التغول وافقنا عليهم دلوقت».
وأضافت: « قلنا على مرسى وحش علشان برلمانه كان عايز يطرح الجنسية المصرية للبيع، البرلمان الحالي عايز يطرح الجنسية المصرية للبيع، قلنا على مرسي وحش علشان الدولار بقى ب 8 جنيه، و دلوقت الدولار بقى ب18، قلنا على مرسي وحش علشان كان بيثق في جماعته فقط، و دلوقت الثقة للعسكريين فقط».
وتابعت «شريف»: «قلنا على مرسي وحش علشان جاب نائب عام ملاكي، دلوقت كل رؤساء الهيئات القضائية هيبقوا ملاكي، قلنا على مرسى وحش علشان عمل اجتماع زعل أثيوبيا مننا و كان هيضيع النيل، دلوقت سيبنا أثيوبيا تستهين بينا و لم نريها أي عين حمراء فخلاص ضاع النيل».
