تسائل الكاتب، إبراهيم الجارحي، عن رد فعل الجهات الرسمية المصرية، على فيلم "العساكر" الذي عرضته قناة الجزيرة، أمس، ودار حول التجنيد الإجباري في مصر.

وكتب "الجارحي" عبر صفحته الرسمية على موقع "فيسبوك": "أنا مش مكتفي بالرد الشعبي اللي اتعمل على فيلم الجزيرة.. صحيح المصريين عملوا الواجب وزيادة، وردوا على نوايا قطر والجزيرة بالطريقة المناسبة، بس أنا كمواطن لسة ما وصلنيش رد رسمي من الجهات الرسمية المسؤولة على الكلام اللي ورد في هذا الفيلم".

وتابع: "والرد الرسمي مش إنهم ينزلوا يشاركوا معانا في هاشتاج يمجد في المؤسسة العسكرية، لأنهم مسئولين مش مواطنين، الرد الرسمي هو رد واضح على محتوى الفيلم ورد حازم على النية وراء صناعته، على الجهة اللي صنعته والجهات التي تقف وراءه".

وأكد "الجارحي": "تفنيد ما ورد بالفيلم مسئولية الجهات الرسمية، مش مسئولية تتساب للناس، علشان ما تسيبش بذرة شك في كرامتك.. والله أعلم هناخد أد إيه لحد ما نصلحها.. العسكرية المصرية شرف يستحق أن يحميه رد رسمي".