استنكر المؤلف وكاتب السيناريو عمرو سمير عاطف قرار التنازل عن جزيرتي "تيران وصنافير" للمملكة العربية السعودية.
وقال في تدوينة عبر حسابه على موقع التواصل الاجتماعي "فيس بوك": "ها نفترض عشان خاطر الحبايب إن فعلاً موضوع تنازل مصر عن الجزيرتين في صالح مصر لأن اتفاقية كامب ديفيد تمنع مصر من إقامة الجسر، وطبعًا زي ما احنا ملاحظين عبد الفتاح من ساعة ما جه وهو بيتحدى الإرادة الإسرائيلية بشجاعة قد تصل في نظر البعض إلى درجة الاستهانه بالعواقب".
وتابع: "مافيش شعب يتاخد رأيه؟ مين اللي قرر؟ مين اللي درس؟ مين اللي شاف إن ده في مصلحتنا؟ نفس الناس اللي قالوا القناة ها تجيب 200 مليار؟ فين الشعب صاحب الأرض؟ ما أنا ممكن أقولك ما تتنازلش وارفض اتفاقية كامب ديفيد فانت تقولي لأ عشان كذا ويا تقنعنى يا اقنعك".
وأضاف: "وبعدين افرض السعودية لأي أسباب اقتصادية ولا سياسية ولا جنسية حتى ما قدرتش تبني الجسر ها ترجعلك الجزر؟ بلاش يا عم السؤال الأخير ده أحسن تمسك فيه وتسيب الباقي".
واختتم: "شوية ناس قعدوا في أوض مقفولة وطلعوا قرار بالتنازل عن أرض مصرية وجايين يحطونا قدام أمر واقع دي دولة دي ولا برطمان مربي ولا ايه بالظبط؟".
ووقع الرئيس عبد الفتاح السيسي والعاهل السعودي الملك سلمان بن عبد العزيز 17 اتفاقية أبرزها اتفاقية إنشاء جسر بري بين السعودية ومصر، واتفاقية لترسيم الحدود البحرية بين البلدين.
وأعلن السفير حسام القاويش المتحدث الرسمي باسم رئاسة الوزراء أنه تم عقد لجان لترسيم الحدود بين مصر والمملكة العربية السعودية وتم وضع جزيرتي صنافير وتيران ضمن الحدود السعودية، لوقعهما في المياه الإقليمية للمملكة.
اقرأ أيضًا:
