دشن مشاهير ورواد موقع التواصل الاجتماعي "فيس بوك" هاشتاج بعنوان "ديزني لازم ترجع مصري".
وطالب مدشنو الهاشتاج بضرورة عودة الدبلجة باللهجة المصرية لأفلام ديزني بعد غيابها لسنوات طويلة.
وبدأ تدشين الهاشتاج بتدوينة "أحمد مبارك" التي قال فيها: "آخر فيلم كارتون اتعمل باللهجة المصرية كان UP بعد كده اتمنعت اللهجة المصرية بسبب إن "دبي" أخدت توكيل ديزني واتحولت كل الأفلام بعد كده للغة العربية".
وتابع: "وده حصل لأنهم عايزين الأفلام تبقى تربوية زيادة، يعني مثلاً كلمة حب تتقص وتستبدل بكلمة إعجاب وإن أطفال العرب مايتربوش على الثقافة المصرية ويطلعوا بيتكلموا لهجة مصري، بس مع كل المحاولات دي فشلت الأفلام المدبلجة باللغة العربية ومعلقتش مع الناس ومانجحتش زي الأفلام المدبلجة بالمصري، وده أتأكدوا منه بعد فيلم inside out (قلباً وقالباً) لأن كان متوقع للنسخة المدبلجة النجاح لكن الناس فضلت تتفرج على الفيلم مترجم".
وأضاف: "الدبلجة المصري دمها خفيف لأن كل الأفلام بيبقى فيها خط كوميدي فالإفيه بيتقال أحلى وبيضحك بالمصري، ده غير إن اللهجة المصرية بتدي روح للفيلم وللشخصيات وهتلاقينا كلنا لحد دلوقتي حافظين حوار فيلم نيمو وشركة المرعبيين المحدودة والأسد الملك وخلطبيطة بالصلصة وحكاية لعبة وغيرهم كتير وده لأنهم أدبلجوا بالمصري".
وواصل: "حاليًا في هاشتاج منتشر على تويتر باسم "ديزني لازم ترجع مصري"، وكل الجنسيات العربية مش المصريين بس بيطالبوا برجوع الأفلام للهجة المصرية لدرجة إن صفحة (ديزني بالعربي) اتكلمت عن الهاشتاج ده وسألت الناس عن رأيهم، احنا عددنا كبير ياريت نستغل ده والكل يشارك يمكن نقدر نرجع الأفلام بالمصري".
واختتم: "فيه كمان إيفينت أتعمل علشان نتجمع وننظم نفسنا وناخد خطوات مظبوطه مع بعضنا علشان نقدر نوصل صوتنا لشركة ديزني والقائمين عليها في الوطن العربي والعالم كله".
وتضامن الإعلامي الساخر باسم يوسف مع الهاشتاج، حيث نشر مجموعة من الصور لأفلام "ديزني" وعلق عليها قائلاً: "شاركونا في حملة ديزني لازم ترجع مصري".
كما تفاعل عدد كبير من رواد "فيس بوك" مع الهاشتاج مطالبين بعودة اللهجة المصرية لأفلام ديزني.
ولم يقتصر الأمر على هذا الحد، فقد تم تدشين "إيفنت" في الأول من مايو القادم تحت عنوان "ديزني لازم ترجع مصري".
اقرأ أيضًا:
