لو سألت أى ست مصرية أصيلة إيه أكتر حاجة بتضايقك قبل العيد.. هاتقولك وبدون تردد تنضيف الشقة قبل العيد.. دى اكتر حاجة بنشيل همهما وبتتعبنا جدا كستات بيوت.. وبنعتبرها حاجة من اتنين.. يا إما تكون ابتلاء من عند ربنا وساعتها بندعى أن الابتلاء ده يكون فى ميزان حسانتنا.. او ان التنضيفة ده وسيلة لإسعاد الأسرة وادخال الفرحة عليهم فى العيد وبرضه بندعى ساعتها ان الفرحة دى تكون فى ميزان حسانتنا.. وفى كلا الحالتين ربنا يتقبل منا تنضيفة العيد دى ويتوب علينا من التعب اللى بنشوفه فيها..

التنضيفة الكبيرة خلصت

لكن تنضيف العيد الكبير او عيد الأضحى بتبقى أخف جهدا من تنضيفة العيد الصغير لان الشقة بتبقى متنضفة التنضيفة الكبيرة فى العيد الصغير وبنعتبر التنضيف فى العيد ده مجرد إعادة على الأًصل.. وعشان كده هاقولك خطوات سريعة تخلصى فيها البيت كله فى يوم واحد قبل العيد ..

1- السجاد "ماتغسلهوش" انتى غسلتيه خلاص فى العيد اللى فات .. اكنسيه بس بالمكنسه وبعدين شمسيه فى البلكونة ونضفيه بالمنفضة كويس وافرشيه تانى
2- رشى كربوناتو على المراتب وشمسيها كويس وبعدين دخليها تانى فى مكانها واكنسيها بالمكنسة "الكربوناتو عشان الجراثيم وبمتص اى ريحة غريبة فى المراتب وبتمتص الرطوبة كمان"
3- لمعى الزجاج بعصير ليمون او شوية خل على الماء او بشاى مغلى بارد "ضعى ماتحبين فى البخاخة وقومى برشها ثم تنشيفها بورق جرائد "ستحصلين على نتيجة رائعة"
4- نفضى الشبابيك بالمكنسة عشان ماتلمش تراب
5- الستاير السيفون اغسليها وافرديها فى اى مكان فى الشقة ساعتين وعلقيها على طول
6- لمسح سيراميك الشقة استخدمى قطرات من عصير الليمون أو الخل فى ماء الشطف لمزيد من اللمعان والنظافة
7- بعد تنضيف التراب والمسيح افرشى فرض كل قوضة واقفليها على طول لحد ماتخلصى الشقه كلها

تنضيف المطبخ

8- فى المطبخ اخلطى الخل مع صودا الخبز وضعيهم على سيراميك المطبخ واتركيه لدقائق ثم ادعكيه بالفرشة لإزالة جميع الدهون والتراكمات.
9- افضل حاجة لغسيل الشفاط شوية جاز وبعدين امسحيه بسفنجة وهوا فى مكانه بدون ماتشيليه او بسفنجة مليناة زيت لمى بيها التراب وبعد كده اغسليه بمسحوق وميه ونشفيه
10- ضعى أعين البوتوجاز فى ميه مع شرائح ليمون كثيرة وارتكيها للغليان لمده ساعه تقريبا او انقعيهم فى خليط من الخل المركز والماء لمدة 3 ساعات ثم اغسليها وستجدين لمعانه كانه جديد تماما او انقعيهم فى ماء مغلى وكربونات صوديم لمده ساعه ثم ادعكيهم بسلكة جيدا

تنضيف الثلاجة

11- اغسلى التلاجة بماء دافىء وعصير ليمون وشوية خل
12- انثرى قليل من القهوة فوق كل رف فلها فاعلية جيدة لامتصاص الروائح الكريهة
13- بعد ذلك يمكنك وضع قليل من البيكنج صودا أو الفانليا او قطعة فحم او قليل من القهوة الجافة فى كل رف حيث يساعد فى تقليل الروائح الكريهة وامتصاصها

تنضيف الحمام

14- الحمام اغسليه جيدا بمنظف قوى وبعد ذلك اغسليه مرة أخرى بالخل والليمون وادعكيه للمعان اكثر ونظافة
15- نيجى بقى للمرحاض وتنضيفه .. أول حاجة طبعا تلبسى قفازين قبل ماتنضفي جواه .. صبى كمية كبيرة من المنظف والمطهر اللى بتستعمليه وسيبيه شوية قبل ماتدعكيه بالفرشة وبعد الدعك اغسليه تانى بالخل والليمون وبعدها بمعطر للحمام واغسليه بالميه
16- الحنفيات اغسليها بسلك ألمونيم وملح ليمون

تنضيفة-قبل-العيد-استعنا-على-الشقا-بالله">"تنضيفة-قبل-العيد-استعنا-على-الشقا-بالله">تنضيفة قبل العيدتنضيفة-قبل-العيد-استعنا-على-الشقا-بالله">".. تنضيفة-قبل-العيد-استعنا-على-الشقا-بالله">استعنا على الشقا بالله

غرفة الأطفال "المهمة التالتة في حملة التنضيف"

من مطبخك.. اصنعي بنفسك ملمعًا للزجاج

تنظيف المطبخ "يوم الأشغال الشاقة"