تحضر الفتة اللبنانى فى مصر دائما بطرق مختلفة حسب كل وصفة وكل طريقة ..ولكنى اليوم سأقدمها لكم بطريقتى المفضلة من مطبخ بيتى

المقادير:

4 رغيف عيش لبنانى محمص فى الفرن "قطع متوسطة "

3 علب زبادى صغيرة

5 فصوص ثوم مهروس

نصف كيلو فراخ مخليه مقطعة قطع صغيرة

علبه حمص "او حمص مسلوق ومملح حسب الرغبة "

بصلة متوسطة

ملح وفلفل وكمون

عصير ليمونة

ملعقة طحينة كبيرة

ملعقة مايونيز كبيرة

صنوبر او اى نوع مكسرات حسب الرغبة

كوب مرقة

الطريقة:

يحمص الخبز فى الفرن

يحمر الصنوبر

يشوح البانيه مع البصل والملح والفلفل ثم يترك حتى ينضج تماما

صوص الزبادى :

يخلط الزبادى بالثوم والملح والطحينة والمايونيز وعصير الليمون والكمون

الطريقة :

نضع الخبز فى صينية
ثم نضع فوقه الحمص ونسقي الخبز بماء سلق الحمص او كوب المرقة لو كان الحمص معلب "حسب الرغبة "
نضع فوقهم الدجاج
ثم نسكب صوص الذبادى
وفى النهاية  نضع الصنوبر على الوجه وقليل من الحمص أيضًا