(#قدم_حلول_كانك_السيسي) هاشتاج جديد يلاحق المرشح الرئاسي عبد الفتاح السيسي, و يضاف  الى قائمة هاشتاجاته, وبذلك يصبح السيسي أكثر المرشحين الرئاسيين حملا للهاشتاجات فى c.v الخاص به.

 

ففى أعقاب الهاشتاج المسئ الذى تترفع مصر العربية عن ذكره, وهاشتاج تحيا مصر ظهر هاشتاج قدم حلول كأنك السيسي  كرد فعل على حوار السيسي الأخير مع الإعلاميين لميس الحديدي وابراهيم عيسى عن رؤيتة لحل الأزمات الضخمة التي تواجه مصر, والتى استفزت حفيظة نشطاء  مواقع التواصل الاجتماع، فقاموا بتدشين هذا الهاشتاج كنوع من السخرية والتهكم على طريقة تبسيط السيسي لمشكلات مصر والحلول التي قدمها لهذه الأزمات.

 

فعلق (هيثم ابوخليل ) على تويتر : "الشعب المصري أبدع في السخرية من السيسي في هاشتاج #قدم_حلول_كأنك_السيسي بصراحة شعب مالهوش حل ... لا تستخفوا بمثل..".

 

 

توجهات السوشيال ميديا

 

فقمنا  فى مصر العربية برصد مجموعة من تفاعلات الجمهور قوامها 3000 تعليق وابرز تلك التعليقات  وعرضها على متابعينا

 

التوجه الأول المؤيد للهاشتاج

 

رصدنا فى ذلك 2200 تعليق  اى بنسبة 73.4%.

 

 

** حل مشكلة البطالة

 

فقد رصدنا داخل هذا التوجه 500 تعليق بنسبة 16.6%. فقد علق (محمود متولي): "حل مشكلة #البطالة بسيط وسهل،، كل واحد مننا يشتغل اللي جمبه وبكدا هنكون حلينا الموضوع دا".

 

وأضاف (Fast Break): "ونجيب الف بلطجى ياخد اتاوة من كل عربية ونبقى شغلنا الف واحد كمان".

 

وعلق (Mohamed Ashour): "بص احنا نجيب 1000 بندقيه ونضرب 1000 واحد بالنار هيروحو المستشفى وهنحتاج دكاتره وكده نبقى عيننا اكتر من 1000 دكتور كل سنه #قدم_حلول _كأنك _السيسي".

 

** حل مشكلة الإسكان

 

وقد رصدنا داخل هذا التوجه 600 تعليق بنسبة 20%. فعلق (Sameh Ahmed): "ليه تسكن فى السبع عمارات.. متسكن فى عمارة واحده وتوفر الباقى علشان ماسر".

 

فقالت (Lyly Sh): "إحنا نجيب بطيخه ونقطع البطيخه شقق وندي لكل واحد شقه وبكده نكون حلينا مشكلة الإسكان".

 

وذكر (صبرا آل ياسر): "لحل مشكله السكان الجيش والشرطه يخلصو على نص الشعب عشان يعرف النص تانى يعيش #قدم_حلول_كأنك_السيسي".

 

وعلق (Ahmed Elsayed): "ايه يعنى لما كل العيانين اللى ف المستشفيات نسيبهم يموتو منها نقلل التعداد السكانى و مشكله السكن ومنها نريح الدكاتره وهو كله عشان مصر".

 

 

** حل مشكلة التعليم

 

فرصدنا داخل هذا التوجه 400 تعليق بنسبة 13.4%. حيث علقت (Samar Helmy Alii): "ايه يعني لما الطلاب يوفروا و يمتحنوا كلهم في ورقه واحدة .. عشان نوفر الورق لمسر".

 

وأضاف (Ahmed Abdalbage): "ليه بتفتح الفيس بوك لما ممكن تفتح الفيس وتسيب البوك للطلبة يذلكروا فيه عشان #‏ماااسر".

وعلى نفس السياق كتب (Omar Wagdy): "انا بقول منمتحنش اساساً و اهو كله عشان مصر".

 

 

 

** حل مشكلة الغذاء

 

وقد رصدنا داخل هذا التوجه 300 تعليق بنسبة 10%. فعلق (حسن برشلونه): "ليه تاكل بابا غنوم لما ممكن تاكل غنوم بس وتسيب بابا لمسر".

 

وأضافت (Dina Alaa): "ليه تاكل أم علي ما تامل علي بس وسيب امه تشتغل #عشان_ماس".

 

وفي نفس السياق كتبت (No Promises): "ايه يعنى لما الناس تاكل المسقعة من غير بتشنجان شوفوا هنوفر كام طن بتشنجان لمسر".

 

حل مشكلة الطاقة

 

حيث رصدنا داخل هذا التوجه 400 تعليق بنسبة 13.4%. عن حل أزمة البنزين قالت (سمية عبدالجواد): "نروح محطة البنزين ونبصلها باحتقار .. نقولها انتى محطه انتى !! تقول آه محطه ونص كمان .. وبكده نزود محطات البنزين 50%

Copied
فصلتنى ضحك والله ^ ^".

 

 

** حل مشكلة الكهربا

 

فقال (Fatma Adel): "ناخد وصلة من عيون السيسي للشعب وبكدا نكون حلينا مشكلة الكهرباء".

 

وأضاف (Ahmed Gassar): "بالنسبه لحل مشكله الكهرباء إحنا هنزرع الصحراء كلها نخل وأول ما يطرح هناخد النوا بتاع البلح ونعمل أكبر محطه نوويه لتوليد الكهرباء".

 

 

التوجه الثانى: المعارض للهاشتاج

 

رصدنا داخل هذا التوجه 800 تعليق بنسبة 26.6%. فقالت (ReemMohamedy): "#قدم_حلول_كأنك_شباب_تافه".

 

 

وعلقت (Aliaa Aziz Ezzat): " على فكره سخىفه جدا وهدا ىدل على انه كايدكم طب زيدوا فىكيدكم".

 

وذكرت (Nirmin Roka): "يا دين النبي ع البوست والكومنتات من كتر ما انتو مش لا قين اي حاجه تتريقو ع ال سيسي فيها بقيتو بتعكو وبقيتو صفحه _ بيض sarcasm society".

 

فيما قالت (WafaaEssa): "انتم اخوان ﻻ يهمكم مصلحه مصر عاش السيس لمصر ربنا يحفظه".

 

اقرأ أيضا: