شغلت أزمة مغني المهرجانات "حمو بيكا" مع نقابة المهن الموسيقية، الإعلام المصري في الوقت الأخير.

وبعد الاتهامات والتهديد الذي قام بها "حمو بيكا" لنقابة المهن الموسيقية في أحد الفيدوهات على موقع التواصل الإجتماعي، جعلت هاني شاكر نقيب الموسيقين يرد، ويؤكد أنه لا يصلح للغناء.

وعاد "بيكا" ليتحدث مرة أخرى، لكن في هذه المرة اعتذر في الفيديو عن ما قاله، وكشف أسباب "الفيديو" الذي أثار  هذه الضجة.

قال  " أنا بعتذر لاستاذ هاني شاكر .. إنت امير الغناء العربي.. وأنا مكنش قصدي ازعلك.. كل هدفي اني اكل عيش.. ومعايا 20 واحد بياكلوا عيش.. والناس دي بتصرف على أهلها".

وتابع "أنا زعلت لأني لفيت 8 ساعات في النقابة ..وكل شغلي واقف، وانا كنت عايز  اشتغل بشكل قانوني..احنا عيالك يا استاذ هاني .. انا كنت عايز اوصلك ومش عارف ازاي".

وأوضح "انا بقالي 6 الشهور  واقف عن الشغل، والناس لي معايا مقدرش امشيها، إحنا نروح فين دى بلدنا وإحنا اخترنا فن بسيط الناس بتحبه وبتفرح بيه.. احنا شباب عملنا فن لينا.. وأنا دلوقتي بختار الكلام  الأغاني عشان بيدخل بيوتنا".

وأضاف : " هنروح فين لو بطلنا هنشتغل ايه .. احنا كنا عايزين نشتغل .. انا شقيت وتعبت عشان اوصل لي أنا فيه".

وبدأ الخلاف بين "حمو بيكا" ونقابة المهن الموسيقية، العام الماضى، عندما أصدرت نقابة المهن الموسيقية،  قرارًا بمنع مطربي المهرجانات من الغناء، ومن بينهم "حمو بيكا".

وفي عام 2018، تدخل نقيب الموسيقيين  هاني شاكر لإلغاء حفل لمغنى المهرجانات بالإسكندرية.

ومؤخر هاجم حمو بيكا في فيديو له عبر صفحة موقع التواصل "فيس بوك"نقابة المهن الموسيقية، واتهم العاملين فيها بطلب رشاوي منه تصل إلى 300 ألف جنيه ليحصل على عضوية النقابة.

وقال حمو بيكا: "محدش هيقدر يمنعني من الغنا غير الموت ولو على الحبس أنا مش خايف والمرة الجاية هننزل وهنقول مش عايزين هاني شاكر".

كما  هدد  باقتحام نقابة الموسيقيين ودعوة المؤيدين له للنزول إلى الشارع للعمل تظاهرات لتأييد مطالبه، قائلا:  "هاجي اعملوكم ثورة".

لكن نقابة المهن الموسيقية قررت عدم السكوت وخرجت لترد على هذه الاتهامات، وقالت إن لجنة النقابة رأت عدم صلاحيته للغناء، واتخذت النقابة الإجراءات القانونية ضد حمو بيكا،  واتهامه بالتهديد بالبلطجة والادعاء كذبا على أعضاء النقابة.