رئيس التحرير: عادل صبري 01:19 مساءً | الجمعة 29 مارس 2024 م | 19 رمضان 1445 هـ | الـقـاهـره °

«ألتراس أهلاوي» بعد تجديد حبس اثنين من أعضاءها: بلد لا تعرف إلا الظلم

«ألتراس أهلاوي» بعد تجديد حبس اثنين من أعضاءها: بلد لا تعرف إلا الظلم

ميديا

أرشيفية

«ألتراس أهلاوي» بعد تجديد حبس اثنين من أعضاءها: بلد لا تعرف إلا الظلم

طارق عزام 25 مارس 2017 18:59

نشرت الصفحة الرسمية لـ "ألتراس أهلاوي" عبر صفحتها الرسمية على موقع "فيس بوك"، بيانًا تعلق فيه على حكم محكمة جنايات جنوب القاهرة، بتجديد حبس اثنين من قيادات المجموعة.

 

وقال بيان "الألتراس": "اللي حصل النهاردة مع جمهور الأهلي المحبوس هي حاجة مفيش حد فهمها وحاجة مش قانونية إن حتى مش عارفين نعلق ونقول إيه.. يوم الخميس اللي فات كان في استئناف لاتنين من المحبوسين ضد قرار نياية غرب باستمرار الحبس الاحتياطي اتحول *الاستئناف* لمحكمة الجنايات والقاضي أخلى سبيلهم بعد حوالي 60 يوم حبس ظلم".

 

وأضاف البيان: "النيابة استأنفت على قرار اخلاء السبيل وهذا الغير *جائز* قانونا باعتبار حكم اخلاء السبيل الصادر من محكمة الجنايات العليا أي سلطة أعلى.. انتهى الجدل بنزول الشباب جلسة تاني النهاردة بس القاضي عمل حاجة ممكن ماتكونش حصلت قبل كدة في مصر.. القاضي قرر رجوع الورق لنيابة غرب لاتخاذ اللازم.. بكدة أصبحت النيابة هي الخصم والحكم تعمل استئناف ضد قرار محكمة الجنايات وتفصل هي فيه".


وتابع البيان: "سبحان الله حاجه لا تحدث إلا في بلد لا يعرف إلا معنى التخبط والظلم وزرع الكراهية.. احنا بس عايزين نعرف إيه اللي اتغير في اليومين دول من اخلاء سبيل لرجوع الورق للخصم عشان يفصل فيه.. وده يندرج تحت قانون إيه؟!".


واختتم البيان: "محتاجين واحد دكر يطلع يقول ده يتسمى إيه في القانون وأنهي قانون بالظبط.. الحرية لجمهور الأهلي".

 

 

وقررت محكمة جنايات جنوب القاهرة، برئاسة المستشار حسن فريد، المنعقدة معهد أمناء الشرطة بطرة، اليوم السبت، قبول استئناف النيابة على قرار إخلاء سبيل اثنين من قيادات ألتراس أهلاوي.


كما قررت المحكمة تجديد حبسهمًا 45 يومًا على ذمة قضية الانضمام لجماعة أسست على خلاف القانون، والتحريض على التظاهر بتدابير احترازية.


والمتهمان هم: أحمد إدريس، ومحمد عبد الله. وكان دفاع المتهمين طالب أثناء نظر التجديد بغرفة المداولة، بالتمسك بإخلاء سبيل المتهمين، لعدم جواز نظر الاستئناف.


ووجهت النيابة العامة للمتهمين تهم الانضمام لجماعة أسست على خلاف القانون، والدعوى للتظاهر في ذكرى أحداث مجزرة بورسعيد، والتحريض ضد مؤسسات الدولة.

  • تعليقات فيسبوك
  • اعلان

    اعلان