رئيس التحرير: عادل صبري 07:22 مساءً | الخميس 28 مارس 2024 م | 18 رمضان 1445 هـ | الـقـاهـره °

في 4 نقاط.. نشوى الحوفي توضح الصورة الكاملة لزيادة سعر تذكرة المترو

في 4 نقاط.. نشوى الحوفي توضح الصورة الكاملة لزيادة سعر تذكرة المترو

ميديا

نشوى الحوفي

في 4 نقاط.. نشوى الحوفي توضح الصورة الكاملة لزيادة سعر تذكرة المترو

محمد الوكيل 24 مارس 2017 14:23

علقت الكاتبة الصحفية نشوى الحوفي، على قرار الدكتور هشام عرفات وزير النقل، برفع أسعار تذكرة مترو الأنفاق.

 

وقالت في تدوينة عبر حسابها على موقع التواصل الاجتماعي "فيس بوك": " تذكرة المترو، صورة كاملة، هل تذكرة المترو بتتباع بسعرها؟ لا طبعًا دي مش أقل من سعرها وبس دي أقل من سعر أي وسيلة مواصلات تانية في القطاع الخاص وأعني بيها الميكروباص والتوك توك، ويبقى المترو أسرع وأأمن وأكثر حضارة".

 

وتابعت: "هل يخسر قطاع إدارة المترو؟، أيوة فعلاً بيخسر، بيخسر لأن الخدمة مش بتمنها الحقيقي فخسارته السنوية 200 مليون جنيه، ومديون لوزارة الكهربا بمبلغ 250 مليون جنيه، بيخسر لأن المكن بايظ وبيعدي ناس ما معهاش وما فيش رقابة في كل المحطات بنفس المستوى، بيخسر لأن ما فيش رؤية لاستغلال محطاته إعلانيًا وتجاريًا بشكل يدر أرباح على الهيئة وبالتالي الدولة اللي رفعت مرتبات الموظفين فيه 400 % رغم كل الظروف اللي بنمر بيها".

 

وأضافت: "هل الزيادة عادلة؟ لأ لسه مش عادلة لأن في دول كتير زرتها سعر التذكرة مرهون بعدد المحطات مش تذكرة بسعر موحد، هل كل الناس اللي بتشتكي عندها حق؟ لا طبعًا مش كلهم لكن ده مينفيش إن فيه فئة تعبانة جدًا زادت عليها أعباء الحياة مرة واحدة مع كل الإجراءات الإصلاحية للاقتصاد".

 

واختتمت: "الخلاصة.. كان لازم تزيد سعر تذكرة المترو لكن كان لازم يحصل معاها عملية إعادة ترتيب أوراق المترو للحصول على موارد إضافية تزيد من تحسين الخدمة والقدرة على ضخ سيولة لخزنة الدولة، الجميع مسئول وكلنا محتاجين نكمل بعض ونتحمل بعض عشان مصر تعدي".

وأقر مجلس الوزراء الأسعار الجديدة لتذكرة المترو، بزيادة جنيه واحد، لتصبح التذكرة الواحدة بـ 2 جنيه، وجنيه ونصف للأنصاف، وجنيه واحد لذوي الاحتياجات الخاصة، وذلك بداية من صباح اليوم الجمعة 24 مارس.

رفع سعر تذكرة المترو
  • تعليقات فيسبوك
  • اعلان

    اعلان