هاجم أحمد صقر، مساعد رئيس جهاز تنمية سيناء سابقًا النظام الحاكم في مصر، داعيًا الحقوقيين للدفاع عن إسماعيل الإسكندراني، الباحث بمركز وودرو ويلسون في واشنطن، بعد احتجازه، أمس، بمطار الغردقة.
وقال في تدوينة بثها عبر حسابه على موقع التواصل الاجتماعي "فيس بوك": "التعميم على إسماعيل وترقب الوصول اتعمل من قبل سفرة بليلة، سفارتنا فى برلين رصدت ندواته اللى اتكلم فيها صوت وصورة عن ابحاثه المنشورة، وبعتت فيه مذكرة من الوزن الثقيل من اتهامات من نوعيه الاساءة لسمعة الوطن و مؤسساته واشياء اخرى بنحاول نعرفها".
وتابع: "بتوع امن الدولة اللى استقبلوه فى الغردقه مكنوش يعرفوا إلا انه على ترقب وصول فقط، والصبح تم ترحيله من مكتب المطار الى مقر امن الدولة الرئيسى فى الغردقة.. حتى الوسايط فى الداخلية جابو ورا الصبح و قال الموضوع مش فى صلاحياته".
وأضاف: "فين بقى التهمة و فين الجريمة فى كل الندوات المعلنه و المتصورة و المنشور فيدوهاتها على النت، يا ريت المحامين والحقوقين يتحركو علشان الواقعة دى هاتاسس لمذكرات تانيه كتير فى حق اى حد هايفكر يفتح بقه بكلمه، مش خايفين منكم ومفروض تبتدو تخافو من نتايج ظلمكم".
يذكر أن أجهزة الأمن بمطار الغردقة الدولي احتجزت "الإسكندراني"، أمس، خلال عودته على إحدى الرحلات السياحية القادمة من ألمانيا، لمطار الغردقة.
اقرأ أيضًا:
