رئيس التحرير: عادل صبري 10:01 مساءً | الجمعة 17 يناير 2020 م | 21 جمادى الأولى 1441 هـ | الـقـاهـره °

مؤسس صفحة dubsmash egypt: البطة ومرتضى منصور الأكثر مشاهدة

مؤسس صفحة dubsmash egypt: البطة ومرتضى منصور الأكثر مشاهدة

سوشيال ميديا

أحمد مصطفى شيحة مؤسس صفحة dubsmash egypt

في حوار مع مصر العربية..

مؤسس صفحة dubsmash egypt: البطة ومرتضى منصور الأكثر مشاهدة

عمرو عاطف 04 فبراير 2015 17:23

التقت بوابة "مصر العربية" الشاب أحمد مصطفى شيحة، مؤسس صفحة "dubsmash egypt"، تلك الظاهرة التي انتشرت مؤخرًا، من خلال تطبيق يسمح للمستخدمين بعمل مقاطع صوتية كوميدية، بإضافة بعض أصوات المشاهير والأغاني، مع إمكانية عمل أداء تمثيلي من قبل المستخدمين، وقد شهد تطبيق dubsmash إقبالًا كبيرًا، من خلال عمل فيديوهات كوميدية حازت إعجاب الكثيرين.

- مبحبش أتكلم فى السياسة وبشجع المواهب

- الدراسة لم تفيدني بأي شيء

- مقدرش أنزل حاجة على رئيس الجمهورية

- فيديو البطة ومرتضى منصور الأعلى مشاهدة

- مقطع لأحمد شيبة هو الأكثر تفاعلاً

 

كانت هذه أبرز لقطات الحوار مع "شيحة" مؤسس الصفحة، وهو من مواليد محافظة الغربية، خريج دفعة 2013 كلية تجارة جامعة طنطا. 

 

إلى نص الحوار..

 

- ما هي ظروف إنشاء صفحة dubsmash egypt؟

كنت قاعد أنا وابن عمي وأصحابي كلهم وبالأخص واحد صاحبي اسمه عبد الله عمل فيديو وضحكت أوى، بعدها بشوية لقيت صحابي كلهم عاملين الفيديوهات دي وبيعملها شير كتير، فكلمت واحد صاحبي شغال معايا قلت له عندي فكرة اسمها كذا وكذا ولما عملنا الصفحة ونشرنا الفيديوهات، وكانت النتيجة غير متوقعة، لدرجة أن كل ما أعمل ريفرش للصفحة العدد بيزيد.

 

- حدثنا عن فريق عمل الصفحة؟

أنا ومينا وأحمد رأفت وعبد اللطيف ومصطفى طه، ومتوسط أعمارهم يعنى من 20 لـ 25 وفيه أقل من العشرين كمان.

 

- ما هو أول فيديو وضعته على الصفحة؟

أكتر فيديو سمع معايا، كان فيه واحدة "سمينة" عملت فيديو على أغنية "أنا كتير" للمطربة شيرين، وضعته من هنا لقيت مصر كلها مشيراه.

 

- كم عدد المشتركين في الصفحة الآن؟

دلوقتى في أكثر من 400 ألف، ودا حصل في وقت قياسى، وكل ما أنزل فيديو ميقلش عن 35 ألف مشاهدة.

 

- حدثنا عن تفاعل أعضاء الصفحة معكم؟

تأتينا تقريبا أكثر من 3 آلاف رسالة فى اليوم، اللي بلاقيه مكرر مبحطوش، ولو في تقليد زي بتاع محمد هنيدي لقيته كويس بحطه، ولو حاجة أي كلام مبحطهاش.

 

- ما عدد الفيديوهات التي تقوم بتنزيلها على الصفحة يوميًا؟

مثلا 30 أو 35 فيديو، وأول ما بصحى بلاقى الدنيا مليانة رسايل، وأما عن عدد المشاهدات فلا يقل عن 35 ألف مشاهدة.

 

- ما هي أكثر المقاطع المتداولة بين مستخدمي التطبيق؟

أكتر المقاطع المحققة للمشاهدات: أغنية البطة لأنه اتعمل من أطفال وشباب كتير مع بعض واتعمل مع عائلات كاملة، وفيه فيديو دباديبي صغيرة كده كان جميل وحقق مشاهدات، بالإضافة لفيديوهات مرتضى منصور ده أساسي، ومحمد هنيدي.

 

- كيف تتعامل مع التعليقات التي لا تتناسب مع محتوى الصفحة؟

جالي كومنتات كتير زي احنا فى حداد، انتوا معندكوش دم، ومش عارف ايه، وأي حد بيستظرف بمسح ردودهم واعمل لهم "بان".

 

- هل هناك سياسة تحريرية خاصة بالصفحة؟

لو فيه فيديوهات خارجة مبنزلهاش.

 

- ما هو أكثر الفيديوهات خروجًا عن النص، ورفضت مشاركته لأعضاء الصفحة؟

 

بنت كانت باعته فيديو من فيلم "كلمني شكرا"، "مشهد الأسطى عاطف"، فرفضته عشان عارف الشعب المصري، ومبحبش أنزل حاجة أوفر يعنى.

- ماذا تقول عن الصفحات المشابهة لنفس فكرة صفحتك؟ 

صفحات كتير اوى اتعملت وسارقين الفيديوهات مني، وانا مبكلمش والحاجات اللى مبرضاش انزلها هما بينزلوها، حتى لو عارف انها هتعمل مشاهدات أكتر بس عارف انى هشيل ذنبها.

 

- ما هو المحظور على الصفحة؟

في ناس بتقعد تتريق مثلا على رئيس الجمهورية أنا مبقدرش انزل احاجات دي لانها ممكن تعمل لنا مشكلة، السياسة مشكلة بالنسبة لي مش خوف، بس هتبقى شكلها وحش لما انزل حاجة زي كده.

- هل فكرت في تطوير الصفحة؟

فكرنا نطور الصفحة بحيث ان الناس بنفسها تقدر ترفع تقريبا زي فكرة اليوتيوب على صغير، واعمل زي جروب صغير والناس تتفاعل مع بعضها، وبنحاول ندخل الفيديوهات الجديدة بحيث الشخص بيقدر يرفع كذا صوت وده الجديد.

 

- هل مجال "السوشيال ميديا" يدر على المشاركين فيه دخلًا؟

طبعا فيه ناس كتير جدا عايشة حياتها على السوشيال ميديا، وغير أن ممكن يدخلك إعلانات زي بيدج نجومي بيجليها إعلانات كتير.

 

- هل تأثرت بالدراسة في عملك على مواقع التواصل الاجتماعي؟

لا طبعا كلية تجارة ملهاش أي علاقة بشغلي، ومفيش أي حاجة في الدراسة استفدت منها ولا أي حاجة.

 

- هل فكرت في تبني قضية معينة من خلال صفحات مواقع التواصل الجتماعي التي تمتلكها؟

لو في حد عنده موهبة، بساعده وبنزل شغله على صفحتي، لكن مليش فى السياسة خالص.. السياسة بتخسر الناس.

 

- ما هو أكثر الفيديوهات مشاهدة على الصفحة حتى الآن؟

واحد عمل فيديو على أغنية أحمد شيبة "أنا بتقطع من جوايا"، وكان "سمين".. وأول ما دخلت الموسيقى، خلع الفانلة، والفيديو انتشر بشكل رهيب.

 

اقرأ أيضا:

dubsmash-video”" style="line-height: 1.6;">بالفيديو.. السيد حمدي يقلد مجنون أحمد شيبة عبر ظاهرة "Dubsmash video”

  • تعليقات فيسبوك
  • اعلان