أوضح السيناريست والمخرج محمد دياب، أحد مؤلفي فيلم الجزيرة 2، أن الفيلم كُتب في بداية 2013، مشيرًا إلى أن ثورة يناير تمثل حدثًا بداخله، ولا يسعى الفيلم إلى تقييم الثورة، على حد قوله.
وفي تدوينة له على حسابه الشخصي على موقع التواصل الاجتماعي "فيس بوك"، قال: "هستأذن أي حد شاف أو هيشوف فيلم الجزيرة ٢ يقيم أحداث الفيلم في إطاره الزمني واللي هو قبل ٣٠-٦، وده مكتوب في أول مشهد في الفيلم. صناعة فيلم كبير زي ده خدت تقريباً سنتين، فالفيلم مكتوب في أول ٢٠١٣، ساعتها كان المشهد مختلف وعلى سبيل المثال الداخلية المستضعفة ساعتها غير المستقوية الآن".
وتابع: "النقطة التانية الفيلم زاد عليه شخصية تمثل التطرف الديني (جعفر)، وبقى هو ومنصور ورشدي مثلث سلبي بيتصارعوا وسط حدث جديد وهو عالم ما بعد الثورة واللي شقلب حياة كل الشخصيات.. الثورة في الفيلم حدث وبس، الفيلم مبيحاولش من بعيد أو من قريب إنه يقيم الثورة ولما على لسان الشخصيات السلبية الـ٣ الرئيسية ينتقدوا الثورة، فدي الشخصيات السلبية بتتكلم مش وجهة نظر صناع الفيلم، وبالعكس لو الشخصيات السلبية دي مدحت الثوره فكان ده هيبقى ذم".
وأضاف: "عامة قصة الجزيرة لسه منتهتش ولما ييجي الوقت عشان نتكلم عن الأحداث اللي بعد الزمن اللي انتهى عنده الفيلم هنتناوله بالمناسب ليه".
ويتصدر فيلم "الجزيرة 2" سباق إيرادات عيد الأضحى، بعدما وصلت إجمالى إيراداته منذ أن طرح بالسينمات حتى الآن إلى 10 ملايين جنيه.
"الجزيرة 2" من بطولة النجم أحمد السقا والفنان خالد الصاوي، والفنان الراحل خالد صالح، وهند صبرى.
اقرأ أيضًا:
