رئيس التحرير: عادل صبري 01:18 مساءً | السبت 28 نوفمبر 2020 م | 12 ربيع الثاني 1442 هـ | الـقـاهـره °

#عضعض_الحجارة_يا_سيسى ..هاشتاج يندد بأزمة الكهرباء

#عضعض_الحجارة_يا_سيسى ..هاشتاج يندد بأزمة الكهرباء

ميديا

الرئيس عبدالفتاح السيسي

#عضعض_الحجارة_يا_سيسى ..هاشتاج يندد بأزمة الكهرباء

أحمد تايلور 04 سبتمبر 2014 10:36

دشنت صفحة "Asa7be Sarcasm Society" على موقع التواصل الاجتماعي "فيس بوك" هاشتاج جديد يحمل اسم "#عضعض_الحجارة_يا_سيسى" بعد أزمة الكهرباء التي واجهت عدة محافظات ومدن، صباح اليوم.

انتقدت الصفحة في تدوينة لها أزمة انقطاع الكهرباء قائلة: "دة لو البلد شغالة بحجارة قلم هناخد بالنا قبل ما تفصل كلها كدة"، وتفاعل مع الهاشتاج العديد من النشطاء، حيث قال "محمود الزعيم": "ده احنا لو البلد دى شغالة بالحجارة كنا اخدنا بالنا قبل ما تقطع ع الجمهورية كلها".

وتابع "Moonyy Fathy Aly": "يوم اسود فى مصر قطع فى المياه والكهرباء وشلل فى جميع الطرق حسبى الله ونعم الوكيل".

وحكى "Mohamed Mahdy" قصته مع أزمة الكهرباء اليوم: "وانا اللى كنت فاكر النور قاطع عندنا احنا بس ، اتارى النور قاطع فى 3/4 مصر ، دى لو مصر شغاله على حجاره قلم هناخد بالنا قبل ما تفصل كلها كده ".

فيما سخر "Ahmed Mohamed Saed" من أزمة الكهرباء قائلاً: "اقطع كمان وكمان ده النور مجاش من زمان".

وعبر "Mostafa Ragab" عن أزمة الريف المصري مع أزمة الكهرباء قائلاً: "دوقوا شويه من اللى احنا بنشوفه، دا احنا مفشوخين ف الارياف".

وقالت "Walaa Ibrahim": "غلوا الكهربا وقطعوا النور ولو اتكلمت تبقي خروف ،،، لا كده اوفرررر".

أما قصة "Gold Hart" مع الكهرباء صباح اليوم فكانت كالتالي: "انا عاوز ادخل الحمام من الفجر ومش عارف اصل النور عندي لما بيقطع الميه كمان بتقطع والهوا وكل حاجه بتقطع".

وافتخر "Mohammed R El-Baridy" بانتماءه لمدينة المحلة التي اعتبرها المهندس ابراهيم محلب رئيس الوزراء منطقة صناعية لن تغيب عنها الكهرباء قائلاً: "محلاوى لا تكلمنى الكهرباء مش بتقطع عنى".

وسخر "Youssef NanDo" على طريقته من أزمة الكهرباء قائلاً: "فيه مناطق النور مبيجيش فيها اصلا عشان يقطع".

وأكد مصدر مسئول بوزارة الكهرباء والطاقة المتجددة أن انقطاع التيار الكهربائى، صباح اليوم الخميس، عن عدد من المناطق التابعة لمحافظتى القاهرة والجيزة جاء أثناء إجراء مناورة لدائرة 500 كيلوفولت غرب القاهرة، حدث بها عطل فنى أدى إلى خروج وحدات التوليد من الخدمة بغرب القاهرة مما أدى انقطاع التيار.

وقال فى تصريحات لـ"مصر العربية " إن هذا العطل أدى إلى عزل السد العالى عن الوجه البحرى حتى أصبح الوجهان (البحرى والقبلى) معزولين عن بعضهما، مما أدى إلى انقطاع التيار عن المناطق التى لم تدخل فى نطاق تخفيف الأحمال، ومنها انقطاع التيار عن مدينة الإنتاج الإعلامى، وتوقف حركة قطارات ومترو الأنفاق.

اقرأ أيضًا:

  • تعليقات فيسبوك
  • اعلان

    اعلان