ندد المحامي والحقوقي، مالك عدلي، بواقعة اغتصاب طفلة تبلغ من العمر عامين في محافظة الدقهلية، والتي اشتهرت بـ "طفلة البامبرز".

وكتب "عدلي" عبر حسابه الشخصي على موقع "فيس بوك": "بغض النظر عن تباين مواقفنا ممكن نراعي اننا بني آدمين وإن تأثرنا باللي بيحصل حوالينا مختلف بحسب ظروفنا؟ اللي مع عقوبة الإعدام معاها واللي ضدها ضدها بس كمان احنا قدام حادثة بشعة ينفع نقبل اختلافنا فيما يتعلق بعقوبة الجاني فيها.. واحنا مجتمع محلش كل مشاكله علشان نمسك السكاكين لبعض علي واحدة من المشاكل دي".

وتابع "عدلي": "أنا مش قادر أتخيل إن فيه جريمة عقوبتها الإعدام ينفع نحترم الجاني فيها (اللهم إلا الجرائم السياسية) وبالتالي ينفع نعذر بعض لأننا والحمد لله مش في موقف المجني عليهم ومنقدرش أبدا نتوقع هنفكر إزاي ساعتها.. أنا شخصيا عندي بنت وأعتقد لو حد لمسها (قلت ده سابقا لأحد اللي حاولوا يهددوني) هبيع اللي ورايا واللي قدامي وهجيب مترليوس وأشقه نصين وأنا فعلا معرفش إذا كنت أقدر أعمل كده ولا لاء علشان دايما الكلام سهل وأتمنى ربنا ميحطنيش في موقف زي ده أبدا.. وده مش معناه اننا قتلة.. احنا بني آدمين وأنا قريت قبل كده إن: الخطأ وسام يميزنا عن الملائكة ويرفعنا عنهم.. صلوا عالنبي".

وشهدت قرية دملاش التابعة لمركز بلقاس محافظة الدقهلية، الجمعة الماضية، واقعة اعتداء عامل جنسيًا على الطفلة "جنا" عمرها عام وثمانية أشهر، بعد أن اصطحبها لمكان مهجور.

وتمكن رجال البحث الجنائي من ضبط المتهم أثناء اختبائه في مقابر القرية، وتحرر عن ذلك المحضر رقم 8130 لسنة 2017 جنح مركز شرطة بلقاس لحين العرض على النيابة.

وأسفر الاعتداء على "جنا" عن إصابة بالغة في منطقة المهبل بالإضافة لجرح قطعي في غشاء البكارة، وقد أُجريت لها عملية جراحية بمستشفى بلقاس العام.