"الله المستعان كل حاجه غليت المشكلة مش في السمك بس الغاز والبنزين الأطباق وكل الظروف المحيطه بالسمك أسعارها ارتفعت فلازم تأثر عليه"  بهذه الكلمات بدأ سيد دسوقي الرجل الأربعيني صاحب احدي محلات السمك شكواه من تراجع   القدرة الشرائية للمواطنين.

"مصر العربية" قامت بجولة في أسواق الجيزة لرصد أسعار السمك وتقدير نسبة الزيادة بها فضلًا عن معدل الإقبال، وكذلك ردود أفعال المواطنين.

تعرف على أسعار السمك بالأسواق اليوم الاثنين.

البلطي 22جنيها .
البوري 45 جنيها .
الجمبري 150 جنيها .
الكبوريا 60جنيها.
المكرونه 60جنيها.
العروس  22
التعابين   120
البياض 50

وقال تجار إن هناك زيادة كبيرة في أسعار السمك مقارنة بما قبل تحرير سعر الصرف، فعلي الرغم من عدم استيراد الأسماك من الخارج الي انها تاثرت بزيادة أسعار البنزين مماتسبب في زيادة أسعار وسائل النقل التي تنقل المنتجات.

وقال سيد دسوقي،صاحب محل السمك، في حديث مع " مصر العربيه " ،"احنا مش بإيدينا نغلي الأسعار كده رزقنا ومكسبنا بيقل هنعمل أيه وربنا مع المواطن الأسعار بتزيد والمرتب ثابت ".

والتقطت أطراف الحديث، مدام يحي العزبي،قائله " إحنا بنعاني من جشع التجار وعدم الرقابة في الأسواق كل تاجر بيبع بمزاجه فين حملات الرقابة مش كفايه الأسعار نار ".

وأكملت ، " بقينا نجيب اللي يكفينا بس علي أد اليوم معدش ينفع نخزن زي زمان "

 شاهد الفيديو