رئيس التحرير: عادل صبري 01:22 مساءً | الخميس 09 يوليو 2020 م | 18 ذو القعدة 1441 هـ | الـقـاهـره °

باعة العباسي بالمحلة: المرافق شردتنا وقطعت عيشنا

باعة العباسي بالمحلة: المرافق شردتنا وقطعت عيشنا

تقارير

ازالة اكشاك باعة العباسى

باعة العباسي بالمحلة: المرافق شردتنا وقطعت عيشنا

ايهاب زغلول 23 سبتمبر 2014 15:13

سادت حالة من الغضب الشديد وسط باعة حي العباسي وبنزايون بالمحلة، بسبب المطاردات المستمرة لهم ومصادرة بضاعتهم، وقال البائعون: "إحنا بقى لنا سنين هنا هانروح فين ونأكل عيالنا منين، نسرق يعني عشان الحكومة تنبسط".

 

يقول متولي الشريف، بائع وصاحب فرشة بالعباسي القديم: "شرطة المرافق مصممة تطردنا من العباسى وميدان بنزايون، طيب هانروح فين، وأنا موجود هنا من 20 سنة وفين البديل، ناكل عيش منين والفرشة دى فيها رزق أولادنا".

 

وتضيف أم أحمد، صاحبة فرش بمدخل العباسى: "إحنا ما بنتعداش على حدق ولا بنسرق ولا شغالين بلطجية، وحرام المطاردة اليومية ومصادرة بضاعتنا أو إتلافها، ولادنا هايتشردوا ومجلس المدينة غائب عن الأحداث طيب ما يوفروا لنا مكان بديل زي تجار حى رمسيس وإحنا نروح له بس بلاش قطع العيش".

 

ويقول خالد عبد النعيم، صاحب محل بالعباسى القديم: "إحنا اللى مضرورين، المرافق تطارد الباعة وأصحاب الفرش، لكن إحنا ذنبنا إيه يتكسر واجهات محلاتنا، والمعروف إن الحي ده ما بتدخلوش سيارات كتير عشان حى تجارى كبير ومزدحم بالبضائع وإحنا بندفع ضرائب وكهرباء ورسوم تراخيص لمجلس المدينة وحرام بهدلتنا من وقت لآخر وإتلاف بضائعنا ده رزق عيالنا".

 

من جانبها، أعلنت شرطة مرافق المحلة عن استمرارها فى ملاحقة الباعة وأصحاب الفرش بمنطقة العباسي القديم ونقلهم من محيط المكان وإزالة كل التعديات والإشغالات على الأرصفة، وإعاقة الطريق العام بالحواجز الخرسانية، وفتح المسارات والحارات المرورية المنغلقة وتسيير الحركة المرورية، دون أن تفسر وجود بديل من عدمه لنقل هؤلاء وهم بالمئات يقطنون الحي العتيق منذ سنوات.

 

 

اقرأ أيضًا:

  • تعليقات فيسبوك
  • اعلان

    اعلان