مرآة صغيرة وطفل فى سن التاسعة أو العاشرة، بشرط أن يكون طفلاً واعيًا ذكيًا، لينظر في المرآة، هذا كل احتياجات رجل المرايا، الذى زادت شهرته فى الأيام الأخيرة، وخاصة فى قرى محافظة الدقهلية للوصول لمرتكبى جرائم السرقة.
رجل المرآة، أكد كثيرون أنه رجل لا يختلف كثيرًا عن الدجالين، فهو يوهم الناس أنه يستخدم القرآن الكريم في الوصول إلى الأشخاص الذين ارتكبوا جرائم السرقة.
"تليفونى اتسرق وشاكك في 3، الفلوس بتاعتى ضاعت بس مش عايزة أظلم حد عشان ما يبقاش حرام عليا”، كل هذه عبارات يقولها من يفقدون أشياءهم دون معرفة سارقها وتزداد الحيرة فى قلوبهم، ليكون الرد عليهم "لا ما تقلقوش لو عايزة توصلى للى سارق استنى أتصلك بالراجل بتاع المرايا هيعرفلك فى ثوانى مين اللى سرقهم ولا سحر ولا شعوذة".
رصدت "مصر العربية" هذه الظاهرة فى قرى ومراكز محافظة الدقهلية، وخاصة بعدما ذاع صيت رجل المرآة فى الفترة الأخيرة بين جميع المواطنين.
فى البداية تقول مروة محمد، ربة منزل: "سمعنا كثيرًا عن رجل المرآة الذى زادت شهرته فى الفترة الأخيرة، وفى الحقيقة مكنتش مصدقه فى الأول”.
وتضيف: "لما ضاعت منى فلوس، وكنت شاكة فى اتنين ومحتارة، وفى نفس الوقت مش عايزة أظلم حد، وبحكى لجارتى وهى اللى دلتنى على رجل المرآة، وفعلاً جيبته وقالى مين اللى سرق الفلوس".
محمد عبد الهادي، من قرية ميت خميس، يروي: "سمعنا كتير عن رجل المرآة والناس كلها بتتكلم عنه، ويؤكدوا إنه بيعرف مين اللى سرق.. أنا ترددت كتير إنى أجيبه، عشان خايف يبقى حرام عليا بس الناس قالولى إنه بيقرا قرآن وبيجيب طفل صغير يشوف فى المرايا ملامح الشخص ده".
"بنتصل بيه قبلها بيوم ونحجزه، لأنه بيكون عنده شغل كتير جدًا ولازم ناخد منه ميعاد، وساعات يتأخر باليوم والاتنين عشان مواعيده"، هكذا بدأت حديثها هناء العمرى، ربة منزل من قرية أوليلة بميت غمر، قائلة: "رجل المرآة بياخد ما يقرب من 100 جنيه، وعندما يأتى يكون لديه قطعة من المرايا ويطلب منا قدوم طفل صغير سواء من الجيران أو من المنزل، بشرط يستطيع وصف ما يراه بالمرايا من ملامح أو النطق بالاسم".
اقرأ أيضًا:
