رئيس التحرير: عادل صبري 10:37 صباحاً | السبت 26 سبتمبر 2020 م | 08 صفر 1442 هـ | الـقـاهـره °

أسيب خطيبي ولا الحب هايجي

أسيب خطيبي ولا الحب هايجي

منوعات

مشاكل الخطوبة

من مشاكل البنات..

أسيب خطيبي ولا الحب هايجي

سمية الجوهري 11 مايو 2014 11:49

في عيادة الأسنان الوقت طويل ودوري مازال أمامه الكثير.. وصوث ثرثرة الزائرين يٌكمل صورة الملل والصداع في رأسي.. ومن بين ذلك المزيج المختلط من أناس لا تعرفهم ولا يعرفونك تسلل إلى أذني صوت بنت شابة في منتصف العشرينيات من عمرها تحكي لصديقاتها مشكلتها التي أثارت فضول سمعي قائلة (أنا بفكر أسيب خطيبى بس مترددة لأنه إنسان كويس ومحترم ومتدين لكن حاسة إني مش بحبه أووي الحب اللي بنشوفه في الروايات والأفلام.. وبصراحة مش عارفة أعمل إيه أسيب خطيبي ولا الحب هايجي بعد الجواز) فاكتفت صديقتها بتعبير حائر على وجهها وكأنها تقول لها (لا أعرف الإجابة).

                                       غياب الرؤية

وعندما حكيت تلك المشكلة لمانيفال أحمد، المستشارة الشبابية والتربوية، قالت: هذا ما يسمى مشكلة غياب الرؤية.. ومن خلال حواري مع بنات في تلك المرحلة وجدت (أن في نسبة منهم ما بيبقوش عارفين هما عايزين إيه أصلاً.. هي مش عارفة تقبل أو ترفض على أي أساس).

 

                                           الخطوبة هدفها التعارف

وتضيف أحمد: (الحب بييجي بالمعاملة والرعاية والاهتمام وحاجات تانية كتير مش بالنظر وبس.. وإن الخطوبة اتعملت عشان هدف معين وهو التعارف يعني الخطوبة هدفها التعارف واكتشاف الآخر مش الحب.. أنا لما أعرفه هيجي الحب من المعاملات والمواقف اللي هاتخلق وتحرك جوايا الشعور بالحب وبيكون وقتها الحب تدريجيًا مش بيهجم فجأة زي الأفلام).

 

                                                       القبول والراحة النفسية

وتقول المستشارة الشبابية والتربوية: (لو البنت مش مرتاحة لخطيبها فمهم تحدد هي مش مرتاحة ليه.. إيه صفاته اللي بتضايقها.. لكن لو قررت أنها تنهي العلاقة عشان مش لاقية الحب فلن تصل لشيء .. لا معه ولا مع غيره.. فالمطلوب لإتمام الخطوبة القبول والراحة النفسية لا الحب.. وسيدنا محمد حدد لنا خطوط عريضة لنقبل أو نرفض منها الدين والتكافؤ.. ووضع لنا أيضًا ضوابط المرحلة اللي مهم نقيمها بعقلنا قبل قلبنا حتى تستقيم الحياة).

 

                                   اعطي للمشاعر فرصتها

وأخيرًا تختتم مانيفال احمد نصائحها قائلة: من المهم أن البنت تعرف أن الحب (هايجي بالوقت والعشرة والمعرفة والقرب.. ولا ننسى أن الله حين ذكر الزواج ذكر المودة والرحمة لا الحب.. المهم تعرفي إنتي بتدوري على إيه واكتشفي اللي قدامك وسيبك من الآخرين عشان المشاعر تاخد فرصتها).

 

 

  • تعليقات فيسبوك
  • اعلان

    اعلان