رئيس التحرير: عادل صبري 11:54 مساءً | الاثنين 10 أغسطس 2020 م | 20 ذو الحجة 1441 هـ | الـقـاهـره °

وراء كل طبخة محروقة..فيس بوك مفتوح

وراء كل طبخة محروقة..فيس بوك مفتوح

سمية الجوهرى 12 أبريل 2014 12:06

"ما قدرش أعمل أي حاجة في البيت إلا ما أصبح على أصحابي واعملي شوية لايكات كده على الماشى .. ماتخليش اهتمامك ببيتك وأولادك يلهيكي عن الفيس بوك .. ماما تعالى نزليني الأول وسيبك شوية من الفيس بوك ده.. لكل ست بيت: وراء كل طبخة محروقة فيس بوك مفتوح"

 

كلمات كثيرة وعبارات ساخرة تظهر كل يوم بسبب اهتمام ربات البيوت الزائد في الفترة الأخيرة بالجلوس على شاشتهن الصغيرة والعبور من خلالها إلى عالم فيس بوك والتجول فيه صباحا ومساء.

 

يصل الحد ببعض ربات البيوت إلى درجة الاستيقاظ مبكرا للدخول فورًا الى بيتهن الثانى (فيس بوك)، لتصبح الأولى بين صديقاتها في مشاركة صورة مشروب الصباح، وكتابة تعليقات مثل: "صباح الخير يا بنات.. يومك سعيد.. وأنا بقدملكم كوباية النسكافيه دى منى عشان يبقى ده مشروب الصبح لينا كلنا النهاردة".

 

مثل باب الثلاجة

 

تقول مانيفال أحمد المستشارة الاجتماعية والتربوية والتى تعمل فى مجال الإرشاد الأسرى: "لا شك أن الفيسبوك والواتس اب بياكلوا الوقت بطريقة غير متوقعة، وبحس اننا بنتعامل معاهم زي باب التلاجة، حافظين جواها ايه وممكن مايبقاش عليهم جديد بس تلاقينا كل شوية نفتح نبص ونقفل"

 

عدم ترتيب أولويات

 

وتضيف أحمد: "اعتقد ان من اسباب دا الزهق.. حتى لو بنشتغل، و عدم ترتيب الاولويات. يعني بنرجع من الشغل تعبانين وورانا الف حاجة غدا واولاد ومذاكرة و... و... بس لازم قبل اي حاجة نفتح نبص بصة، والبصة بتمتد زي بالظبط نظرة فابتسامة فسلام ف...ف...

تبصي بصة وتعلقي تعليق وتشيري بوست وتفتح معاك وتتفاجئي انك اتزنقتي في الوقت.. ودا مش بس النساء لا.. الرجال كمان"

 

إدمان وتعويض    

 

وتتابع المستشارة: "تلاقي الرجل راجع من الشغل وقاعد هو وزوجته قدام التليفزيون.. هي بتشتكي من تكشيرته وصمته وتبص تلاقيه عمال يسرق ضحكات وابتسامات وهو باصص في الموبايل حتى من غير مايقول او يشاركها سبب الضحك وجزء منه ادمان او تعويض عدم لقاء الاصحاب".

 

نظبط تايمر

 

وتختتم مانيفال أحمد حديثها قائلة: "كلنا محتاجين فى النهاية  نقف ونرتب مهامنا واولوياتنا ونعرف مطلوب مننا ايه ونحاول نتحكم في درجة انشغالنا بالمواقع دي وناجلها لبعد ما نخلص، او نظبط تايمر لها".

 

اقرأ أيضا:

"سالي مشاليمن ربة منزل محبطة إلى صحفية دولية

كيف تبرمجى عقل الرجل لصالحك؟

"عملالى فيها عماد متعب ونازلة مهاجمة فى جوزك "  

من حكايات الإهمال"الزوجى.."عفوا الزوج خارج نطاق الخدمة

 

 

  • تعليقات فيسبوك
  • اعلان

    اعلان