رئيس التحرير: عادل صبري 10:08 صباحاً | السبت 26 سبتمبر 2020 م | 08 صفر 1442 هـ | الـقـاهـره °

"عملالى فيها عماد متعب ونازلة مهاجمة فى جوزك "

"الكايزن "ودوره فى تحسين العلاقات الزوجية

"عملالى فيها عماد متعب ونازلة مهاجمة فى جوزك "

سمية الجوهرى 08 أبريل 2014 05:03

( جوزك عمل معاكى موقف مش ولا بُد .ومش قادرة تبلعى ريقك . وتعدى اليوم ده على خير ..فعملتى فيها الست أم أربع ألسنة فى بعض وقلتى يعنى هيا أم أربعه وأربعين أحسن منى فى ايه..فا هووووبوه  قمتى عاملة زى عماد متعب ومحمد صلاح وحبيتى دور المهاجم. وبدأتى بالمهاجمة على جوزك..وبدل ماتدخلي جون ويسقفلك جوزك المصون..راح رد الهجمة بهجمة شرسه وعنيفة وفتحلك القديم والجديد (مانتى أصلك غاوية تنكدى على نفسك ) فتقومى تسحبى مخالبك وتقلبى فى ثانية الحمل الوديع وتقوليله (فى ايه يابيبى مالك قفشت كده ليه ) وايه اللى فتح المواضيع دى بس دلوقتى .احنا مش كنا قفلناها خلاص..

مانتى فاكرة ايه ؟هاتروصيله كل صفاته السلبية..هايعدلك كل مواقفك (اللى تكسف معاه ) .مش هاتعديله موقف حصل وقصر معاكى فيه..هايفتحلك القديم ويسمعلك كل زلاتك وتقصيراتك من يوم الخطوبة لحد اللى يوم اللى قاعدة جمبه ومش طايقين تبصه فى وش بعض..عشان كده لازم تكونى ذكية وتعالى على نفسك شوية عشان المركب تمشى والحياة الزوجية تمر بسلام بدون عواصف ولا براكين.(استرها يارب).

 

ومن خلال تلك اليوميات التى تمر على أغلب الزوجات تنصح الإستشارية ومدربة العلاقات الزوجية هبة عز الدين الزوجة الجديدة بمحاولة تحسين الحياة الزوجية من خلال "الكايزن " فتعالوا معنا نتعرف على تلك الطريقة الجديدة فى تحسين العلاقة بين الأزواج ..

 

                            مفهوم الكايزن

تقول الإستشارية هبة عز الدين عن "الكايزن" أنه  اهم الاستراتيجيات الحديثه للحياه الزوجيه وذلك لسهولته وسرعه نتائجه ..و هو مبدأ يابانى قديم ..كاي  KAI وتعني التغيير  _ زن - ZEN وتعني للأفضل أو الأحسن .... وتترجم إجمالاً KAIZEN الى Continual Improvement أو التحسين المستمر.اذا كبسولتنا اليوم عن التحسين المستمر فى الحياه الزوجيه.

وكايزن الحياه الزوجيه يعنى ..  خطوات صغيره جدا فى تنفيذها كبيره فى تأثيرها سريعه فى مفعولها ان طبقناها وجدنا لها الاثر العظيم فى حياتنا ولاسيما ان تعودنا عليها ووزدنا مستواها  من فتره للاخرى ... اعيرونى انتباهكم ياحبابى لنشرح كل خطوة ..اقصد كل كايزن على حدى..

كايزن العقل الباطن

 

وتتابع عز الدين قائلة : "لدى كل منا عقل واعى وعقل غير واعى. العقل اللاواعى مسئول عن تصرفاتنا وما يحدث لنا فى واقعنا وهو مقسم لملفات تُختزن بها المشاعر والذكريات والافكار وبالنسبه للمرأه أن فتح ملف واحد سيئ فتح لنا العقل الباطن كل الملفات السيئه المرتبطه بهذه الفكره او الكلمة التى اثيرت".

وتضيف عندما تتهمين زوجك بالتقصير معك أو تنتقدينه مثلا..يقوم هو بفتح ملف مماثل لما قمت بفتحه..أي يفتح الملف الموجود في عقله والخاص بجميع صفاتك السيئة..ويبدأ في استخدامه لكي يدافع عن نفسه..حتى انك تستغربي أحيانا..وتقومى بالرد عليه  ( ايه اللى جاب اللى بنتكلم فيه للكلام دا دلوقتى ).

   فتح القديم واسترجاع الذاكرة

وتقول مدربة العلاقات الزوجية ومن هنا لا يهدأ الوضع  لأن الملفات المفتوحة في عقلك وعقله هي ملفات سلبية تضم كل المواقف السيئة..ويستمر الجدال والنقاش بينكما..ويتطور الوضع بشكل سريع..

ويفتح هو مواضيع يمكن ما عاتبك عليها في وقتها..لكنها مخزنة في الذاكرة واستدعاها حتى يقوي موقفه..وتستغربي انه يكلمك فيها الآن.ويمكن تقولي له..طيب ليه ما قلتش الكلام دا قبل كدا   ؟؟؟

 

  كيف تتصرف الزوجة وقتها

وتتابع عز الدين موجهة نصائحها للزوجة قائلة في هذه الحالة لا تنتظري منه انه يقفل الملف السلبي.الذي يحتوي على لومه لكى.وبادري انت بنفسك إلى قفل الملف الموجود في عقلك.

وافتحي الملف الذي يحتوي على صفاته الطيبه.مثلا قولي "أنا عارفة انك ماتقصدش تقصر معايا.وانك زوج ماشاء الله عليك كريم وبتحبنى والله يخليك ليا ويخليني ليك.أهم شي اننا متفاهمين والحمد لله اننا مبسوطين مع بعض".

 

رد فعل الزوج

وتضيف المستشارة :"حينها سيفتح هو الملف الخاص بمدحك.ويتفاعل مع كلامك وتتفاجئي ان الخصام انتهى وكأنه ماكان في شي أصلا بينما لو استمريت في محاولة اثبات ان كلامك صح وهو الغلطان ويحتاج يراجع نفسه لن يستجيب لك ويمكن يتفاقم الوضع ويكون فيها زعل يستمر ليوم أو يومين والسبب أصلا كان تافه لا يستحق وتخسري وقتاكان يمكن تستمتعي به  وتخرجي كسبانه وتسمعي كلام حلو غير الراحة النفسية.لما يكون بينكم رضا.

 

نصيحة للزوجة

وتختتم الإستشارية هبة عز الدين كبسولاتها الزوجية اليوم من خلال مصر العربية قائلة :" والآن أيتها الزوجة العزيزة بعد ما فهمتى طريقة عمل العقول. اعلمى أن الكلمات الطيبه  تطيب النفوس دائما وتجنبي توجيه العتاب المباشر لأنه لا يجنى أى مكاسب مربحة فى العلاقاة الزوجية.

اقرأ أيضا :

المدلعة على الشاشة لابسة من غير هدوم

كيف تبرمجى عقل الرجل لصالحك؟

للزوجة الجديدة.."إحترفى التوأمة"

 

  • تعليقات فيسبوك
  • اعلان

    اعلان