رئيس التحرير: عادل صبري 10:28 صباحاً | الخميس 28 مارس 2024 م | 18 رمضان 1445 هـ | الـقـاهـره °

صور|بعد تشبيهه بمحمود ياسين.. حسني شتا يرد

صور|بعد تشبيهه بمحمود ياسين.. حسني شتا يرد

ميديا

حسني شتا

صور|بعد تشبيهه بمحمود ياسين.. حسني شتا يرد

سارة القصاص 18 مايو 2020 15:25

تصدر الفنان "حسني شتا" مؤشرات البحث ، بعد ظهوره في مسلسل "ليالينا 80" بلوك يتشابه مع  النجم "محمود ياسين".

 

 

وخرجت منذ أيام  ابنه الفنان محمود ياسين، الفنانة رانيا ياسين وكتبت "عايزه اقول حاجه للممثلين الي اسمه احمد حسنين طلع النهارده في البرنس بيقولوا شبه عمر الشريف والممثل حسني شتا بيقولوا شبه محمود ياسين طلع في مسلسل ليلينا ونبي بطلوا تقولواعليهم كده متخليهمش يعتمدوا علي كده سيبهم يكونوا نفسهم لأن حكايه الشبه دي بتجيب نتيجه عكسيه علي فكره حتي مع ابناء الفنانين الي هما مضطرين يبقي شبه ابائهم بحكم الجينات سبيهم يبقوا نفسهم".

 

 

 

ورد حسني شتا عبر حسابه على تشبيه بالفنان محمود ياسين، قائلا "مش عارف فعلا هي بتحذرني ليه ومن ايه!!! ولو علي التحذير يبقي توجهيه للجمهور اللي قال كده مش انا ...ثانيا احترامي وتبجيلي للفنان الكبير محمود ياسين بتاريخه الفني الكبير مفيش اي مقارنه لأن الأساتذة الكبار أمثال محمود عبد العزيز وأحمد ذكي وعادل امام ونور الشريف وغيرهم من نجومنا الكبار لأيمكن ان فيه ممثل أيًا كانت موهبته انه يقارن نفسه بيهم لانهم صنعوا تاريخهم الفني بالفعل ".

 

 

وتابع " ثالثًا انا مبقلدش حد اللي شاف دوري في أيوب أو الأب الروحي او أبو جبل او طلقه حظ أو فيلم اشتباك او طلق صناعي او غيرها من الأعمال هيلاحظ إني بحاول ان كل شخصيه تكون مختلفه عن التانيه في الملامح الداخلية والإطار النفسي والشكل والإطار المادي من ملابس وطبقه صوت وغيره".

 

 

وأضاف "في ايوب زي مابيقولوا كنت شبح وفي الاب الروحي هادي وانفعالاته داخليه ..ومش انا اللي يقول كده ديه الناس اللي بتقيم وتحب وهفضل اجرب في كل شخصيه بعملها لآخر عمري لأن ديه متعه التمثيل إني احاول اخلق شخصيه من لحم ودم وكل مره تكون مختلفه والتوفيق بالنجاح من عند ربنا ولو لما تصيب فعملت اللي عليًا إني مش بستسهل واعمل كل الحاجات شبه بعضها ..فصادف ان الدور في مسلسل ليالينا في حقبه زمنيه قديمه واللبس وغيرها من تفاصيل العصر تتماس مع طبيعه وشكل استاذنا محمود يس .وفيه شبه في الملامح خصوصا مع تسريحه الشعر والسوالف واللبس طب ايه المشكله بقي مش فاهم يااستاذه رانيا ولكي مني كل التقدير".

 

 

وليس حسني شتا الأول، فالفنان أحمد حسنين "شبيه عمر الشريف"، اثار الجدل بعد ظهوره في مسلسل "بـ100 وش" و  تواجد أيضًا في مسلسل البرنس.

 

وجسِّد خلال مسلسل "البرنس" صديق شقيقة "رضوان" _ريم سامي_ الذي يساعدها في العثور على عمل جيد، بعد تخرجها من كلية الهندسة.

 

بينما يُجسِّد دور الشاب الذي تحبه شقيقة "نيللي كريم" في أحداث مسلسل بـ100 وش، ويغير منه "إسلام إبراهيم" أحد أعضاء عصابة "آسر ياسين ونيللي كريم".

 

 

رمضان يجمعنا
  • تعليقات فيسبوك
  • اعلان

    اعلان