أكد المحامي والحقوقي مالك عدلي، عضو لجنة الدفاع عن مصرية تيران وصنافير، أن مصر دفعت الكثير من أرواح أبناءها للحفاظ على الجزيرتين.
وكتب «عدلي» عبر حسابه الشخصي على موقع «فيس بوك»: «بحسبة الفلوس حتى وهنبيع بقى ونكسب وكده وننسى الدم والكرامة والتاريخ.. انت عارف تيران دي انت دافع بسببها إيه؟ تدمير سلاح الجو المصري كاملا عام 1967 + أكتر من 50%من عتاد الجيش المصري + حوالي 10000 شهيد علي أقل تقدير +حوالي 5000 أسير + تكاليف حرب الاستنزاف +شهداء وأسري حرب الاستنزاف + تكاليف حرب أكتوبر 1973 + شهداء حرب 1973(حوالي 8000 شهيد ما بين مدني وعسكري) + طبعا آلاف الأرامل واليتامي والمصابين + ان مصر وقف نموها في أي قطاع من 67 ل 73 + شهداء بحر البقر + شهداء ابو زعبل + شهداء مدن القناة + تدمير مدن القناة + تهجير أهلها وتشريدهم.. الخ».
وتابع مالك: «أيوه كل ده حصل علشان عبدالناصر قفل مضيق تيران علي فكرة.. تفتكر دا يسوى كام؟؟ وتفتكر فيه قوة في الدنيا ولا فلوس الدنيا تعوضنا عن كل ده غير احتفاظنا بالأرض اللي راح في سبيلها كل ده؟؟.. ده لو بحسبة الفلوس يعني وحتى دي متنفعش.. تيران وصنافير مصرية».
.png)
ومن المقرر أن تبدأ اللجنة التشريعية بمجلس النواب، اليوم الأحد، جلسات استماع بشأن اتفاقية ترسيم الحدود البحرية بين مصر والسعودية، والتي بمقتضاها تتنازل مصر عن جزيرتي تيران وصنافير لصالح المملكة.
