قصد عدد من المواطنين اليوم الأحد، حديقة الحيوان بالجيزة، للتنزه في أول أيام عيد الفطر المبارك، وسط حالة من الفرحة والسعادة، مشيدين بالخدمات التي توفرها إدارة الحديقة للزوار من نظافة ونظام ومقاعد بأشكال مختلفة تجذب الأطفال.
ورصدت "مصر العربية"مظاهر الاحتفال وآراء الزوار في الخدمة المقدمة لهم وأكثر مكان لفت انتباهم فقال على أحمد فؤاد: "جينا حديقة الحيوان من سوهاج مخصوص علشان الأطفال يشاهدوا الحيوانات"، وعلق فتحي أحمد" حديقة الحيوان نظيفة جدًا ومش زحمة انهاردة".
ولفت فخري محمد أن أكثر الأمكان التي نالت إعجابه هو بيت الأسد وجبلاية القرود وبيت الضباع".
ووجهت أسرة مسيحية رسالة تهنئة للمسلمين، في أول أيام عيد الفطر، خلال مشاركتهم الاحتفال في حديقة الحيوان بالجيزة، وسط أجواء من السعادة والمحبة.
وقال مينا بشوي 30 عامًا: "جينا نشارك المسلمين فرحتهم في عيد الفطر انهاردة"، وأضافت لبنى :"مفيش فرق بينا وبين المسلمين إحنا بنحبهم جدا وبنفطر عندهم في رمضان".
مارثا حنا، 61 عامًا، قالت مفيش حاجة اسمها مسلمين ومسيحيين، كلنا وطن واحد ونسيج واحد ومافيش حاجة تقسمنا"، ووجهت نجلتها مايفل التهنئة لكل المسلمين قائلة: "ربنا يعودهاعلينا وعليكوا بخير".
وقالت جانيت حنا: "بقول لجارتي أم محمد كل سنة وهي طيبة ودايمًا مع بعض ومستنية الكحك بتاعها".
