أعرب أصحاب عمالة الموسمية" target="_blank">العمالة الموسمية عن استيائهم الشديد من تأخر سفرهم حتى الآن إلى اﻷراضي السعودية للعمل ضمن قوافل الحج، لاسيما أن موسم الحج على اﻷبواب، مؤكدين أن أسماءهم درجت ضمن قائمة المسافرين إلا أنهم حين سألوا عن موعد السفر كانت الإجابة "لسة".
وقال مصطفى سيد: "مكتب القوى العاملة اتصلوا بي وقالولي إن اسمك نزل ضمن قائمة المسافرين، لكن لما جيت أسأل قالولي لسة، ومحدش قالي أي معلومة مفيدة أعرف بيها ميعاد سفري".
واستنكر "محمود"، تأخر ميعاد السفر حتى الآن، متسائلاً: " الحج على اﻷبواب والموسم الخاص به اللي احنا بنسافر عشانه بدأ، طب هنتأخر لحد إمتى، والمفروض نعرف ميعاد سفرنا إمتى؟".
واتفق معه في القول "عصام" الذي تحدث بغضب قائلاً: "لما هم مش عايزينا ليه بيخلونا نقدم من اﻷول.. هم بيعلموا المهرجان دا كله وفي اﻷخر بيختاروا اللي على مزاجهم واللي هم عايزينه".
واتهم عاصم كمال المسؤلين عن هذا الشأن باختيارهم للعمال مقدما وأن اﻹعلان عن هذه الرحلات من طلب عمالة ما هي إلا إجراءات روتينية لابد منها بحيث تكون الإجراءت مكتملة اﻷركان بصورة شكلية.
وقال: "معروف أن أي وظائف بيتم الإعلان عنها من أي جهة بيبقى معروف مقدماً الناس اللي هتختارهم ولو قبلو أشخاص من المتقدمين فيبقى العدد ﻻ يزيد عن 4 أشخاص".
وقال الحاج عبد الحميد محمد: "أنا جهزت كل احتياجات السفر، وجيت النهاردة ومعي جواز السفر بتاعي وكنت عامل حسابي إن النهاردة يقولولي ميعاد السفر واعرف حجزي إمتى، ففوجئت أن المموظفين في وزارة القوى العاملة بيقولولي لسه مش عارفين".
