رئيس التحرير: عادل صبري 09:33 مساءً | الخميس 03 ديسمبر 2020 م | 17 ربيع الثاني 1442 هـ | الـقـاهـره °

وائل عباس للأبنودي: الخال طلع شمال

وائل عباس للأبنودي: الخال طلع شمال

أخبار مصر

وائل عباس وعبدالرحمن الأبنودي

وائل عباس للأبنودي: الخال طلع شمال

أحمد تايلور 30 يونيو 2014 12:37

هاجم المدون والناشط السياسي وائل عباس الشاعر الكبير عبدالرحمن الأبنودي، واتهمه بممارسة "التطبيل" في الصغر والكبر، على حد زعمه.

 

ودشن "عباس" على حسابه الشخصي على موقع التواصل الاجتماعي "فيس بوك" هاشتاجاً يحمل اسم "الخال طلع شمال"، وقال في تدوينته: "لما كان صغير طبل للديكتاتور ناصر ولما قرب عالقبر طبل للسيسي".

وفي وقت سابق، نشر "عباس" قصيدة له بعنوان "في هجاء الأبنودي"، قال فيها:

يا عم الأبنودي انت كداب

وجيلك كله كداب

مسح الجوخ ما عملتم غير

ولا استرجى منكم خير

انتم ك.... الحاكم

واحنا الطير

انتم بقايا وزارة الارشاد التوجيه

واحنا الثورة جاية سيل

بنفاقكم فتحتم بيوت

واحنا شباب مش لاقي القوت

وها نفضل احنا الصوت

لما تبيعوا القضية وتحبوا الدنيا سكوت

احنا شعبين

الاول عواجيز م.......

والتاني شباب ميت او في الزنازين

وادي خط الدم ما بين الاتنين بيفوت

انتم بعتم الثورة بشهدائها وناسها

وفي ميدان التحرير فكيتوا لباسها

بانت وش وضهر

بطن وصدر

ريحة عفنكم كتمت انفاسها

واحنا ولاد ..... الشعب

احنا بتوع الحرية وطريقها الصعب

ضربونا بالنار والغاز والكعب

وكأننا بنحارب حرب

لكن انتم راكبين الفلك

طبلتم للملك

ايديكم نعمت من كتر ما كتبت اغاني تقنعنا ان ليالينا مش حلك

غلبت اللي طبلوا للانجليز والترك

اشوف فيكم يوم يا صاحب الملك

انا المطحون مش انت يا كذاب اللي مسجون

تاريخي مركوب مش مركون

انت كتبت قصايد مدح فرعون

وانا كتبت على حيط الزنزانة بمسمار ما فتحش الكالون

قول في حسابك كام مليون

 

اقرأ أيضاً:

  • تعليقات فيسبوك
  • اعلان

    اعلان