طغت الأحوال السياسية التي تعيشها مصر اليوم مع إحياء ذكرى أحداث محمد محمود والتظاهرات التي تعج بها الميادين على فوز مصر المعنوي على المنتخب الغاني وتأهل الأخير لتصفيات كأس العالم.
وقال أنس أكرم الشاعر: "3 / 7 دي النتيجة الإجمالية لهزيمة مصر وده برضه تاريخ النكسة المصرية !!"، في إشارة إلى عزل الرئيس محمد مرسي من منصبه.
وانتهت النتيجة الإجمالية لمباراتي الذهاب والإياب للملحق الفاصل المؤهل لمونديال البرازيل 2014 بخسارة مصر 3 / 7، بعد خسارتها أولاً في غانا 1 / 6 ثم فوزها بالقاهرة 2 / 1.
وعبر حسابه على موقع التواصل الاجتماعي "فيس بوك" كتبت شيماء متولي: "إحنا عاملين زي الست اللي بتفضل تطلب الطلاق ولما جوزها يطلقها تتصدم، ما انتوا عارفين من الأول إن المنتخب استحالة يكسب 5".
فيما كتب أحمد سمرة: "وبمناسبة ماتش النهاردة.. أخبار القضية اللي رفعها الانقلابوية على غانا قدام الفيفا عشان كسبونا 6 إيه؟!"
وأسقط محمد الهامي خسارة المنتخب في التأهل لكأس العالم على الواقع السياسي قائلاً: "مصر مرحتش كأس العالم هتلاقي شوية يسيبوا الماتش ويمسكوا فيك أنت علشان مشجعتش كويس وكنت عايز المنتخب يخسر.. أنا مش هاستغرب، أصلها نفس نظرية باعونا في محمد محمود.. سايب اللي قتله وزعلان من اللي ما شجعش كويس".
فيما كتب علاء عكاشة: "يا عم صلى على النبي هو فيه نظام انقلابي يروح كأس العالم.. إلى اللقاء بعد أربع سنوات يكون النحس فك والغراب مات والشرعية رجعت".
وقالت إيمان سليمان: "محدش يزعل يا جماعة الأربع سنين بتفووت هوا أهو نكون عملنا ثورتين كمان".
ودونت نجاة العيسوي عبر حسابها على موقع "فيس بوك": "اطلع ياض يا سيس انت وهو.. عاوزين تفرحوا وبيوت المصريين كلها مآتم.. والناس هتموت من الجوع وبتموت في كل مكان".
وأضافت سارة خالد: "يعني غانا هيطلعوا من ملعبنا إحنا للبرازيل.. ربنا ما يقطعلك عادة يا مصر تفرحي الناس كلها إلا إحنا".
وتعجب الناشط محمد فريد من حالة الحزن التي خيمت على البعض في وقت لم تهتز قلوبهم لضحايا فض رابعة: "تبا لشعب يحزن على عدم صعود فريق لبطولة معينة ولا يحزن على أكثر من 5000 شهيد".
وكتب عبد المنعم محمود: "بدل ما تهروا بقى لو فيه دولة محترمة تعاقب اتحاد الكرة واللاعيبه اللي اعتبروا مصر هي السيسي وخسرنا بسببهم الصعود للنهائيات".
