رئيس التحرير: عادل صبري 09:42 صباحاً | الاثنين 06 ديسمبر 2021 م | 01 جمادى الأولى 1443 هـ | الـقـاهـره °

«مراتي والأولاد أهم حاجة».. زوج داليا البحيري يعلن إصابته بكورونا

«مراتي والأولاد أهم حاجة».. زوج داليا البحيري يعلن إصابته بكورونا

ميديا

داليا البحيري وزوجها

«مراتي والأولاد أهم حاجة».. زوج داليا البحيري يعلن إصابته بكورونا

سارة القصاص 15 يونيو 2020 12:10

يستمر فيروس كورونا في الزحف على الوسط الفني، وهذه المرة طال أسرة النجمة "داليا البحيري"، حيث أصيب زوجها رجل الأعمال "حسن سامي".

 

وكتب "حسن سامي" عبر حسابه على فيس بوك: "الحمد لله علي كل شئ، حالتي كويسة جداً، دعواتكم مكونش نقلت العدوة لمراتي والولاد اهم حاجة.اسألكم الدعاء.. ارجوكم بلاش اتصال، انا كتبت البوست علشان اي حد تعامل معايا او حد من القريبين مني يعرف مش اكتر".

 

 

 أما الفنالنة داليا البحيري،  علقت على خبر إصابة زوجها، مؤكدة التزامهم بالإجراءات الوقائية، وأنها تنتظر نتيجة التحاليل، وكتبت  عبر صفحتها بموقع "فيسبوك": "أنا هبدأ بألف حمد وشكر ليك يا رب، لأن أنا عارفة ومتأكدة إن احنا عملنا اللى علينا وزيادة... حافظنا وقعدنا فى البيت، وعقمنا وطهرنا، وشجبنا اللى نزل انطلق واتفسَّح... وأنا والحمد لله راضية جدا بقضاء ربنا، سبحانه وتعالى، حسن جوزى وحبيبى طلع إيجابى كورونا، ربنا يشفيه ويعافيه يارب".

 

وأضافت : "إحنا كلنا عملنا مسحات... أنا والأولاد، واللى بيساعدونا فى البيت؛ عشان نطمن، لأننا كنا مخالطين لحسن ... وبإذن الله نعرف النتيجة بكرة بليل... وربنا يجيب العواقب سليمة يارب.. أنا بقول الكلام ده ليه؟؛ عشان أى حد لازم يعمل كده، لازم يقول، وبكل وضوح، عشان الناس اللى كانت مخالطة ليهم يعرفوا، ويطمنوا على نفسهم... لأن دى أمانة... والمرض مش حاجة الواحد يخجل منها".

 

واختتمت حديثها :"بشكر كل اللى اتكلم يطمن على حسن وعلينا، وآسفة إن احنا مش ملاحقين نرد، عشان متكركبين، وبنشوف حنعمل إيه... دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر".

 

 

وهاجم فيروس كورونا المستجد "كوفيد 19" الوسط الفني والإعلامي، وأصاب عددًا من النجوم والمذيعين، لينتشر القلق بين النجوم والمخالطين لهم، وكان آخرهم الفنانة إيمان العاصي التي أعلنت تعافيها من الفيروس. 

 

كما أعلنت  الفنانة مريهان حسين، إصابة ابنة خالتها الفنانة منى إش إش بفيروس كورونا، والنجم مصطفى درويش الذي كشف عن تطورات حالته قائلا "الوضع من سيء لأسوء".

فيروس كورونا
  • تعليقات فيسبوك
  • اعلان

    اعلان